އެމެރިކާ އިން ރާއްޖެއަށް އެހީ ދިނުމަށް ސޮއިކޮށްފައިވާ އެއްބަސްވުމުގެ ދަށުން އިތުރު ތިން މިލިއަން ޑޮލަރު ނުވަތަ 46.3 މިލިއަން ރުފިޔާ ދިނުމަށް ނިންމައިފި އެވެ.
ރާއްޖެއަށް އެހީގެ ގޮތުގައި އިތުރަށް ދޭން ނިންމި 3.2 މިލިއަން ޑޮލަރުގެ އެހީގެ އެއްބަސްވުމުގައި މިއަދު ވަނީ ސޮއިކޮށްފަ އެވެ. މި ތިން މިލިއަން ޑޮލަރު ހަރަދުކުރަން ނިންމާފައިވަނީ މޫސުމަށް އަންނަ ބަދަލުތަކާއި ތިމާވެށީގެ ރޮނގުން ރާއްޖެއަށް އެހީވުމަށެވެ.
The Maldives and US sign the 7th amendment to the Development Objective Grant Agreement (DOAG). Through the DOAG, the US Government commits USD 3.2 million to Maldives to improve the resilience of economic & democratic governance and support inclusive and sustainable development pic.twitter.com/EaVd5I8AzE
— Ministry of Foreign Affairs 🇲🇻 (@MoFAmv) March 16, 2022
ރާއްޖޭގެ ފަރާތުން އެއްބަސްވުމުގައި ސޮއި ކުރެއްވީ ފޮރިން މިނިސްޓްރީގެ ސްޓޭޓް މިނިސްޓަރު އަހްމަދު ހަލީލް އެވެ. އެމެރިކާގެ ފަރާތުން އެއްބަސްވުމުގައި ސޮއި ކުރެއްވީ އެމެރިކާ އިން ދޭ އެހީގެ ކަންކަން ބަލަހައްޓާ އެޖެންސީ ފޯ އިންޓަނޭޝަނަލް ޑިވެލޮޕްމަންޓް ޔޫއެސްއެއިޑުން ރާއްޖެއަށް ކަނޑައަޅާފައި ހުންނަވާ މިޝަން ޑިރެކްޓަރު ރީޑް އެލްޒިމަން އެވެ.
އެމެރިކާ އިން އިން ފަހުން ދޭން ނިންމި ތިން މިލިއަން ޑޮލަރާ އެކު ދެ ގައުމުގެ ދެމެދުގައި މާޗް 12، 2019ގައި އެހީ ދިނުމަށް ސޮއި ކުރި އެއްބަސްވުމުގެ ދަށުން ރާއްޖެއަށް ދޫކުރާ އެހީގެ ޖުމްލަ 25 މިލިއަން ޑޮލަރު ނުވަތަ 386.3 މިލިއަން ރުފިޔާ އަށް އިތުރުވާނެ އެވެ.
އަންނައަހަރު އެންމެ އިސްކަމެއްދޭނީ ނަމާދަށް ލޯބިޖެއްސުންމަށް: ޝަހީމް
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
އިޒްރޭލު ޕާސްޕޯޓު މަނާކުރުން އަވަސްކުރަން ގޮވައިލި ގަރާރު ބޭރުކޮށްލައިފި
ރާއްޖޭގޭ ފުރަތަމަ އައިއެސްއޯ ސަޓިފައިޑް ކޯލް ސެންޓަރަކަށް އުރީދޫގެ ކޯލް ސެންޓަރ
