ހަނިމާދޫއާއެކު އިތުރު 6 ރަށެއްގައި ހޮސްޕިޓަލް ހަދަން ބީލަމަށް ހުޅުވާލައިފި

ރާއްޖޭގެ ހަތް ރަށެއްގައި ހޮސްޕިޓަލު އިމާރާތްތަކެއް އަޅައިދޭނެ ބަޔަކު ހޯދުމަށް ސަރުކާރުން އިއުލާނުކޮށްފި އެވެ.

ހޮސްޕިޓަލު އަޅާނެ ބަޔަކު ހޯދުމަށް ފިނޭންސް މިނިސްޓްރީން ކުރި އިއުލާނުގައި ބުނެފައި އޮތީ އެ މަސައްކަތަށް ޝަރުތުހަމަވާ ބަޔަކު ބަލާނީ އިންޓަނޭޝަނަލް ކޮމްޕެޓިޓިވް ބިޑިންގް (އައިސީބީ) އުސޫލުގެ މަތިން ކަމަށެވެ.

ހޮސްޕިޓަލު އަޅަނީ، ހދ. ހަނިމާދޫ، ށ. މިލަންދޫ، ނ. ވެލިދޫ، ކ. ތުލުސްދޫ، އދ. މާމިގިލި، ވ. ފެލިދޫގެ އިތުރުން ތ. ވިލުފުށީގަ އެވެ. އެއިން ކޮންމެ ރަށެއްގައި ވެސް އަޅަނީ 30 އެނދުގެ ހޮސްޕިޓަލެވެ.