ރާއްޖެއަށް މި އަހަރުގެ ހުޅަނގު މޫސުން ފެށިއްޖެ ކަމަށް މޫސުމާ ބެހޭ ގައުމީ އިދާރާ (މެޓް އޮފީހުން) ބުނެފި އެވެ. މެޓު އޮފީހުން ރޭ ބުނެފައިވަނީ ހުޅަނގު މޫސުން ފެށުނު ކަމަށް ބަލާ މިންގަނޑުން އިއްޔެ ދެކުނުގެ އަތޮޅުތަކަށް ހުޅަނގު މޫސުން ފެށިފައިވާ ކަމަށެވެ.
The South West Monsoon for 2022 has onset over the southern area of the Maldives on 08 May... pic.twitter.com/2TqlwHB09B
— Maldives Meteorology (@MetMaldives) May 9, 2022
ހުޅަނގު މޫސުން ފެށުނު ކަމަށް އެ އިދާރާއިން ބަލަނީ ހާއްސަ މިންގަނޑެއްގެ ތެރެއިން، ކޮންމެ އަހަރެއްގެ މެއި މަހުގެ އެއް ވަނަ ދުވަހުން ފެށިގެން ވާރޭ ވެހޭ މިންވަރާއި އަދި ވައި ހުންނަ ބާރުމިނަށް ބަލައިގެންނެވެ. ހުޅަނގު މޫސުމުގެ އަސަރުތައް އާންމު ގޮތެއްގައި މެއި މަހުގެ ފުރަތަމަ ނުވަތަ ދެވަނަ ހަފުތާގެ ތެރޭގައި ދެކުނުގެ އަތޮޅުތަކަށް ކުރާ ކަމަށް މެޓުން ބުނެއެވެ.
މެޓުން މޫސުން ބަދަލުވާ ގޮތާއި ގުޅޭގޮތުން ބުނީ ފުރަތަމަ ދެކުނަށް ހުޅަނގު މޫސުން ފެށޭއިރު އެ މޫސުމުގެ އަސަރު މެދު ރާއްޖެ ތެރެއަށް ފޯރައި، މެއި މަސް ނިމުމުގެ ކުރިން މުޅި ރާއްޖެ އަށް ހުޅަނގު މޫސުން ފެށޭ ކަމަށެވެ.
ރާއްޖޭގައި އޮންނަ ދެ މޫސުމުގެ ތެރެއިން އިރުވައި މޫސުން ކަމަށް ބަލަނީ ޖެނުއަރީ މަހުން ފަށައިގެން މާޗު މަހުގެ ނިޔަލަށެވެ. އަދި ހުޅަނގު މޫސުން ފެށޭ ކަމަށް ބަލަނީ މެއި މަހުން ފެށިގެން ޑިސެމްބަރު މަހުގެ ނިޔަލަށެވެ.
ރަށްރަށުގައި ކުލަގަދަ މުބާރާތްތައް ބޭއްވުނީ ކައުންސިލްތަކަށް ލާމަރުކަޒީ ގާނޫނުން ލިބުނު ބާރުގެ ސަބަބުން
ށ އަތޮޅު ކައުންސިލަކީ ރައްޔިތުން ބަލައިގަނެފަ އޮތް ކައުންސިލެއް: ޝިޔާމް
ކައުންސިލުން ފޯކައިދޫ ސްކޫލްގެ ހޯލްގައި އޭސީ ހަރުކޮށް ފިނިކޮށްދީފި
ތިނެއް ނޮވެމްބަރުގައި ޝަހީދު ހުސައިން އާދަމް ބިނާ ހުޅުވަނީ
