ރައީސް މިއަދު ނޫސްވެރިންނާ ބައްދަލު ކުރައްވަނީ

ރައީސް އިބްރާހިމް މުހައްމަދު ސޯލިހު، މިއަދު ނޫސްވެރިންނާ ބައްދަލުކުރައްވާ ގޮތަށް ހަމަޖެހިއްޖެއެވެ.

ރައީސް އޮފީހުން ބުނީ ނޫސްވެރިންނާ ރައީސް ބައްދަލު ކުރައްވާނީ މިއަދު ހަވީރު 4:00 ގައި ރައީސް އޮފީހުގައިކަމަށާއި ރައީސްގެ ނޫސްވެރިންގެ ބައްދަލުވުން ޓީވީ ޗެނަލްތަކުން ވަގުތުން ދުރަށް ދައްކާނެކަމަށެވެ.

މިބައްދަލުވުމުގައި ނޫސްވެރިންގެ ސުވާލުތަކަށް ޖަވާބު ދެއްވުމަށް ވަނީ ހަމަޖެހިފައެވެ.

އެންމެ ފަހުން ރައީސް ނޫސްވެރިންނާ ބައްދަލު ކުރައްވާފައި ވަނީ މިދިޔަ އަހަރުގެ އޮގަސްޓު މަހު އެވެ. ނޫސްވެރިންނާ ބައްދަލު ކުރައްވައި ނޫސްވެރިންގެ ބައްދަލުވުމެއް މި ބާއްވަނީ މި އަހަރު ފުރަތަމަ ފަހަރަށެވެ.

މިއަދު ނޫސްވެރިންގެ ބައްދަލުވުމުގައި ގައުމުގެ ހާލަތާއި ގުޅޭގޮތުން ރައީސް ސޯލިހް ވާހަކަފުޅު ދައްކަވާނެ ކަމަށް ބެލެވެއެވެ.