ރާއްޖޭގެ އިގްތިސާދު ދަނީ ރަނގަޅު މިސްރާބަކަށް

ރާއްޖޭގެ އިޤްތިސާދު ކުރިއަށްދަނީ ރަނގަޅު މިސްރާބަކަށް ކަމަށާއި މިއަހަރުގެ މިހާތަނަށް ލިބޭނެކަމަށް ބަޖެޓުކުރި ވަރަށް ވުރެ އިތުރަށް އާމްދަނީ ލިބިފައިވާކަމަށް ރައީސް އިބްރާހިމް މުހައްމަދު ސޯލިހް ވިދާޅުވެއްޖެ އެވެ.

ރައީސް މިހެން ވިދާޅުވީ މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަފުޅު ދައްކަވަމުންނެވެ. އެގޮތުން ރައީސް ވިދާޅުވީ މިއަހަރުގެ މިހާތަނަށް ލިބޭނެކަމަށް ބަޖެޓުކުރީ 8.5 ބިލިއަން ރުފިޔާ ނަމަވެސް މިހާތަނަށް 11.1 ބިލިއަން ރުފިޔާ ލިބިފައިވާކަމަށެވެ.

އަދު ރާއްޖޭގެ ނޮމިނަލް ޖީޑީޕީ 2023 ގައި ފުރަތަމަ ފަހަރަށް 100 ބިލިއަން ރުފިޔާ ހުރަސްކުރާނެ ކަމަށާ މި އަހަރުގެ ޖީޑީޕީ ކުރިއަރާދާ މިންވަރު 13 އިންސައްތައިގައި ހުންނާނެކަމަށް ލަފާކުރެވޭ ކަމަށެވެ.

މީގެ އިތުރުން މިވަގުތައް ބަލާ ނަމަ ދައުލަތުގެ ރިޒާވް ރަނގަޅު މިންވަރެއްގައި ހިފެހެއްޓޭކަން ހާމަކުރައްވާ ރައީސް ވަނީ އެމްއެމްއޭއިން މަހުން މަހަށް ބޭނުންވާ ކާޑާއި، ތެލާއި، ބޭސް ގަނެވޭ ވަރަށް ރިޒާވް ހުންނާނެކަމުގެ ޔަގީންކަންދެއްވާފައެވެ.