ފޯރިގަދަ ބަށިބޯޅަ މުބާރާތުގެ ފައިނަލް: ކޮރަލްސް އާއި ނެއްލައިދޫ

ކުޅުދުއްފުށީގައި މިހާރު ކުރިއަށްގެންދާ ފޯރިގަދަ ހދ އަތޮޅު ބަށިބޯޅަ ލީގްގެ ފައިނަލް މެޗުގައި ކުޅުދުއްފުށީ ކޮރަލްސް ޓީމާއި ނެއްލައިދޫ ބަށި ޓީމް ބައްދަލުކުރާ ގޮތަށް ހަމަޖެހިއްޖެ އެވެ.

މި މުބާރާތުގެ ފައިނަލް މެޗް ކުޅޭނީ މިއަދު ހަވީރު 4:00 ގައި ސްޓޭޑިއަމްގެ އެރީނާގައި އެވެ. ވަރަށް ފޯރިގަދަކޮށް ކުރިއަށްދާ މި މުބާރާތް ފެށީ މިދިޔަ ބުރާސްފަތިދުވަހު އެވެ.

ހަތަރު ޓީމާއެކު ފެށި މި މުބާރާތްތަކީ ގިނަ ދުވަސްތަކަކަށްފަހު ހދ އަތޮޅުގައި ބާއްވާ ބަށިބޯޅަ މުބާރާތެކެވެ. މިއީ ކުޅުދުއްފުށީ ސިޓީ ކައުންސިލާއި ބަށިބޯޅަ ފައުންޑޭޝަނާ ގުޅިގެން ބާއްވާ މުބާރާތެކެވެ.