ރައީސް ފުނަދޫއާއި ހޮޅުދޫއަށް ވަޑައިގަންނަވަނީ

ރައީސް އިބްރާހީމް މުހައްމަދު ސޯލިހް ށ. ފުނަދުއާއި ނ. ހޮޅުދުއަށް ވަޑައިގަތުމަށް ހަމަޖެހިއްޖެއެވެ. މިދެރަށަށް ކުރައްވާ ދަތުރުފުޅުގައި ރައީސް މާދަމާ ފުރާ ވަޑައިގަންނަނާވެކަމަށެވެ.

މިދަތުރުފުޅުގައި އެމަނިކުފާނު މާދަމާ ވަޑައިގެންނެވުމަށް ހަމަޖެހިފައިވަނީ ށ.ފުނަދޫއަށެވެ. އަދި ހޮނިހިރު ދުވަހު ވަޑައިގަތުމަށް ހަމަޖެހިފައިވަނީ ނ.ހޮޅުދޫއަށެވެ.

މިމަހުގެ 19 ވަނަ ދުވަހުގެ ނިޔަލަށް ކުރައްވާ މިދަތުރުފުޅަކީ ފުނަދޫ ސްކޫލަށް 50 އަހަރު ފުރުން ފާހަގަ ކުރުމުގެ ގޮތުން ބާއްވާ ޖަލްސާ އާއި ހޮޅުދޫ މޭނާ ސްކޫލަށް 75 އަހަރު ފުރުން ފާހަގަކުރުމުގެ ގޮތުން ބާއްވާ ޖަލްސާގައި ބައިވެރިވެ ވަޑައިގެންނެވުމަށް ކުރައްވާ ދަތުރުފުޅެކެވެ.