ރާއްޖެއިން ފުރާ ހައްޖާޖީންގެ އެންމެފަހު ގްރޫޕާ ރައީސް ބައްދަލުކުރައްވައިފި

މިއަހަރުގެ ހައްޖުގެ މަތިވެރި އަޅުކަން އަދާކުރުމަށް ރާއްޖެއިން ފުރާ ޙައްޖާޖީންގެ އެންމެ ފަހު ގްރޫޕްގައި ހިމެނޭ ހައްޖާޖީންނާ ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހު ބައްދަލުކުރައްވައިފި އެވެ.

ހައްޖުގެ އަޅުކަމަށް ރޭ ފުރާ 115 ހައްޖާޖީންނާ ވެލާނާ އިންޓަނޭޝަނަލް އެއާޕޯޓުން ބައްދަލުކުރައްވައި ރައީސް ވަނީ އެބޭފުޅުންގެ ހާލު ބައްލަވައިލައްވާފައެވެ.

ރައީސުލްޖުމްހޫރިއްޔާ ވަނީ ދިވެހި ހައްޖާޖީންގެ ކަންކަން ހާއްސަ ސަމާލުކަމެއް ދެއްވައިގެން ސަރުކާރުން ވަރަށް ގާތުން ބައްލަވަމުން ގެންދަވާނެކަން ފާހަގަކުރައްވައި ހުރިހާ ހައްޖުވެރިންނަށް މަބްރޫރު ހައްޖަކަށް އެދިވަޑައިގަންނަވާފައެވެ.

ހައްޖާޖީންނާ އެމަނިކުފާނު ބައްދަލުކުރެއްވިއިރު އެމަނިކުފާނު އަރިހުގައި، މި އަހަރުގެ އަމީރުލް ހައްޖުގެ ގޮތުގައި ކަނޑައަޅުއްވާފައިވާ އިސްލާމިކް އަހުމަދު ޒާހިރު ބައިވެރިވެވަޑައިގެންނެވިއެވެ.

ކަލަންޑަރުގައިވާ ގޮތުން މިއަހަރުގެ ޙައްޖުގެ އަޅުކަން ފެށޭނީ މިމަހުގެ އަށް ވަނަ ދުވަހެވެ.