ދެ ސަރަހައްދެއްގައި ޕަމްޕް ޖަހައިގެން ފެން ހިއްކުމުގެ މަސައްކަތް ފަށައިފި

ރާއްޖެއަށް މިހާރު ކުރަމުންދާ ވިއްސާރައާ ގުޅިގެން ކުޅުދުއްފުށި ސިޓީގެ ބައެއް ސަރަހައްދުތަކުގައި ބޮޑުވި ފެންގަނޑު ހިނދުމުގެ މަސައްކަތް ފަށައިފި އެވެ.

ރަށުގެ އާންމުކޮށް ފެންބޮޑުވާ ބައެއް ސަރަހައްދުތަކުގެ ތެރެއިން ދެ ސަރަހައްދެއްގައި ޕަމްޕު ޖަހައިގެން ދަނީ ފެން ހިއްކަމުންނެވެ. އެގޮތުން ކުއިނޯ ރެސްޓޯރެންޓް ސަރަހައްދާއި ތޫނިސްގެ ސަރަހައްދުގައި ވަނީ ޕަމްޕް ޖަހާފަ އެވެ.

ސިޓީ ކައުންސިލުން ބުނީ ކުޅުދުއްފުއްޓަށް ކުރަމުންދާ ވިއްސާރައިގައި ރަށުގެ ގިނަ މަގުތަކެއްގައި ފެންބޮޑުވެ ބައެއް ގެތަކަށް ފެންވަދެފައިވާ ކަމަށެވެ.

މި މަސައްކަތުގައި ސިޓީ ކައުންސިލާއެކު ޕަބްލިކް ވޯކްސް އަދި ސިޓީ ޕޮލިސް ގުޅިގެން ފެން ބޮޑުވެފައިވާ ސަރަހައްދުތަކުގައި ޕަންޕު ބަހައްޓައި، ފެންހިއްކުމުގެ މަސައްކަތްކުރަމުންދާ ކަމަށެވެ.