ކުޅުދުއްފުށީގައި ދަމަނަވެށި އިމާރާތްކުރުމަށް ބަޔަކާ ހަވާލުކޮށްފި

ކުޅުދުއްފުށީ ސިޓީ ދަމަނަވެށި އިމާރާތް ކުރުމަށް ހެލްތް މިނިސްޓްރީން މިއަދު ބަޔަކާ ހަވާލުކޮށްފި އެވެ.

ހެލްތް މިނިސްޓްރީގައި މިކަމަށްޓަކައި މިއަދު ބޭއްވި ރަސްމިއްޔާތެއްގައި ދަމަނަވެށި އިމާރާތް ކުރުމަށް ހަވާލުކޮށްފައިވަނީ ނޯތް ކޯސްޓު ޕްރައިވެޓް ލިމިޓެޑް ކިޔާ ކުންފުންޔަކާއެވެ.

ސައްބީސް މިލިއަން ހަލައްކަ ނުވަދިހަތިންހާސް ތިންސަތޭކަ އަށްޑިހަ ރުފިޔާ ތޭވީސް ލާރި (26،693،380.23) އަށް ނޯތް ކޯސްޓު ޕްރައިވެޓް ލިމިޓެޑާ މި މަސައްކަތް ހަވާލުކޮށްފައިވަނީ 420 ދުވަސްތެރޭ މަސައްކަތް ނިންމާގޮތަށެވެ.

ކުޅުދުއްފުށީ ސިޓީ ދަމަނަވެށި އިމާރާތް ކުރުމަށް ނޯތް ކޯސްޓު ޕްރައިވެޓް ލިމިޓެޑާއި ހަވާލުކުރުން

މި މަސައްކަތުގެ އަގަކީ 26،693،380.23( ސައްބީސް މިލިއަން ހަލައްކަ ނުވަދިހަތިންހާސް ތިންސަތޭކަ އަށްޑިހަ ރުފިޔާ ތޭވީސް ލާރި) pic.twitter.com/iDApbrWJ17

— Ministry of Health (@MoHmv) September 8, 2022

ކުޅުދުއްފުށީގައި ދަމަނަވެށި އިމާރާތްކުރަން ބިން ދޫކޮށްފައިވަނީ ޖަލާލުއްދީން ސްކޫލު ފުރަގަހުން، އުރީދޫ އޮފީސް އުތުރުން ދީފައިވާ ބިމުގައި އެވެ.