ނޮޅިވަރަންފަރުގައި މޫދަށް އެރިއުޅުނު ބިދޭސީއަކު ގެއްލިގެން ހޯދަނީ

ހދ ނޮޅިވަރަންފަރުގައި މޫދަށް އެރިއުޅުނު ބިދޭސީއަކުން ގެއްލިގެން ހޯދަން ފަށައިފި އެވެ.

ނޮޅިވަރަންފަރު ކައުންސިލްގެ ނައިބު ރައީސް ކޭއޯއަށް ވިދާޅުވީ، މީހަކު ގެއްލިގެން އުޅޭ ކަމުގެ ރިޕޯޓް ލިބުމާއެކު ފުލުހުންނާއި ރައްޔިތުންނާ ގުޅިގެން އެ މީހާ ހޯދުމުގެ މަސައްކަތް ކުރަމުންދާ ކަމަށެވެ.

އޭނާ ވިދާޅުވީ، އެ މީހާ ގެއްލުނުކަން ކައުންސިލަށް ރިޕޯޓްކުރީ މެންދުރުފަހު ކަމަށާ ގެއްލިގެން ހޯދަމުންދަނީ އެރަށުގައި މަސައްކަތްކުރާ ބަގްލަދޭޝްގެ ރައްޔިތެއްކަމަށެވެ.

ބަލާ ބެލުމަށް ގާތްގަނޑަކަށް 40 ހަކަށް އަހަރުގެ އެ މީހާ ހޯދުމަށް ފަޅުތެރެ ބަލަމުންދާކަމަށެވެ.