ނޮޅިވަރަންފަރުން ގެއްލިގެން ހޯދަމުންދިޔަ މީހާ ފެނިއްޖެ

ހދ ނޮޅިވަރަންފަރުގައި މޫދަށް އެރިއުޅެނިކޮށް ގެއްލުނު ބިދޭސީ މީހާ ހޯދަނިކޮށް ފެނިއްޖެ އެވެ. އޭނާ ފެނުނުއިރު ހާލު ރަނގަޅެވެ.

ބަގްލަދޭޝްއަށް ނިސްބަތްވާ އެ މީހާ ގެއްލިގެން ރިޕޯޓްކުރީ އޭނާއާއެކު މޫދަށް ދިޔަ ދެ ބިދޭސީންނަށް އޭނާ ނުފެނުމުންނެވެ. ގެއްލުން އެ މީހާ ބުނީ އޭނާ ގެއްލުނީނޫން ކަމަށާއި އޭނާ ދިޔައީ ފީނާލަށް ކަމަށެވެ.

ނޮޅިވަރަންފަރު ކައުންސިލްގެ ނައިބު ރައީސް ކޭއޯއަށް ވިދާޅުވީ، ގެއްލިގެންގެން ހޯދި ބިދޭސީ މީހާ ފެނިފައިވާ ކަމަށާއި އޭނާގެ ހާލު ރަނގަޅު ކަމަށެވެ.

އެ މީހާ ގެއްލުނުކަން ކައުންސިލަށް ރިޕޯޓްކުރީ މެންދުރުފަހު އެވެ. ރިޕޯޓް ލިބުމާއެކު ރައްޔިތުންނާއި ފުލުހުންނާ ގުޅިގެން އޭނާ ހޯދުމަށް ފަޅުތެރެ ބެލުމަށް ހަރަކާތްތެރިވެފައިވެ އެވެ.