ގަތަރުގައި ވޯލްޑްކަޕް ބެލުމުގެ ފުރުސަތު ލިބޭ ނަސީބުވެރިން އުރީދޫއިން ހޮވައިފި

ގަތަރުގައި މި މަހު ފަށާ ވޯލްޑް ކަޕްގެ މެޗުގެ ސެމީ ފައިނަލް މެޗު ބަލަން އުރީދޫން ފޮނުވާނެ ހަތަރު ނަސީބުވެރިން ހޮވައިފި އެވެ.

ރާއްޖެ ޓީވީ ރޯޑު ޓު ވޯލްޑް ކަޕް ޝޯގައި ނަސީބުވެރިން ހޮވާފައި ވަނީ، މާޒިޔާގެ ކުޅުންތެރިންނާއި ވައިސް ޗެއާމަން އިބްރާހިމް ވަހީދާއި އުރީދޫ މޯލްޑިވްސްގެ ޗީފް ކޮމާޝަލް އޮފިސަރު ހުސައިން ނިޔާޒެވެ.

އުރީދޫ ފުޓްބޯލް ފޯރި ލަކީ ޑްރޯގެ ހަތަރު ނަސީބުވެރިންނަކީ:

މި ހަތަރު ނަސީބުވެރިންނަށް ވޯލްޑް ކަޕްގެ ސެމީ ފައިނަލް މެޗެއް ބެލުމަށް ގަތަރަށް ދިއުމުގެ ދެކޮޅު ޓިކެޓް، އެކޮމޮޑޭޝަން އަދި ސްޓޭޑިއަމް ޓިކެޓް ލިބޭނެއެވެ.

އުރީދޫ މޯލްޑިވްސްގެ މެނޭޖިން ޑިރެކްޓަރު އަދި ސީއީއޯ ޚާލިދު އަލް ހަމާދީ ވަނީ މި ހަތަރު ނަސީބުވެރިންނަށް މަރުހަބާ ވިދާޅުވެފައެވެ.

"އަޅުގަނޑުމެންގެ އަމާޒަކީ ރާއްޖޭގައި މެޗުތައް ބައްލަވާ ކަސްޓަމަރުންނަށްވެސް މި އުފާވެރިކަމާއި ފޯރި ގެނެސްދިނުން. އެގޮތުން ރާއްޖޭގެ އެކި ކަންކޮޅުތަކުގައި އަޅުގަނޑުމެން މިދަނީ ވަރަށް ގިނަ ހަރަކާތްތައް ރާވާމުން،" އޭނާ ވިދާޅުވިއެވެ.

މީގެ އިތުރުން އޭނާ ވިދާޅުވީ، އުރީދޫގެ ޕާޓްނަރުންނާ އެކު މި ކުރެވޭ މަސައްކަތާއެކު ރާއްޖޭގެ އެކި ހިސާބުތަކުގައި ދިރިއުޅޭ އެކި އުމުރުފުރައިގެ މީހުންނަށް ވެސް ވޯލްޑް ކަޕްގެ އުފާވެރިކަން ލިބި، ކުލަގަދަ ވޯލްޑް ކަޕަކަށްވާނެކަމަށް އުއްމީދުކުރައްވާ ކަމަށެވެ.