އުރީދޫ ''އާޗާ'' ކަސްޓަމަރުންނަށް ހާއްސަ އޮފާތަކެއް

އުރީދޫ މޯލްޑިވްސްއިން ބޮޑެތި ޑޭޓާ އެލަވަންސްތަކެއް ލިބޭ އޮފާއެއް އުރީދޫ ''އާޗާ'' ޕްރީޕެއިޑް ކަސްޓަމަރުންނަށް ތައާރަފުކޮށްފިއެވެ.

މި އޮފާ މެދުވެރިކޮށް މުޅި ހަފްތާއަށް ނުވަތަ މުޅި މަހަށް 210ޖީބީ އާއި ހަމައަށް ޑޭޓާ ލިބޭނެއެވެ. އަދި ޑޭޓާއާއެކު އަންލިމިޓަޑް އުރީދޫ ކޯލްސް ވެސް ލިބޭނެއެވެ.

މި ޕްރޮމޯޝަނުގެ ދަށުން ދުވާލަކަށް 4 ޖީބީ ލިބޭ 7 ދުވަހުގެ ޕެކޭޖެއް 150 ރުފިޔާއަށް ލިބޭނެއެވެ. އަދި 30 ދުވަހުގެ ޕެކޭޖުގެ ގޮތުގައި 500 ރުފިޔާއަށް 5 ޖީބީ ލިބޭއިރު 30 ދުވަހުގެ ޕެކޭޖަކާއި 750 ރުފިޔާއަށް ދުވާލަކު 7 ޖީބީ ލިބޭ ޕެކޭޖެއްވެސް މީގެ ތެރޭގައި ހިމެނެއެވެ.

މި ޕްރޮމޯޝަނުގެ ދަށުން ކޮންމެ ޕެކޭޖަކަށް ވެސް ބޯނަސް ޑޭޓާ އަދި ސްޓްރީމިން އާއި ސޯޝަލް މީޑިއާގެ ބޯނަސް ޑޭޓާ ވެސް ލިބޭނެ ކަމަށް އުރީދޫއިން ބުންޏެވެ.

ޕެކޭޖު އެކްޓިވޭޓު ކުރެވޭނީ UD ޖެހުމަށް ފަހު ބޭނުންވާ ޕެކޭޖުގެ އަދަދު (150، 500 ނުވަތަ 750) ޖެހުމަށް ފަހު 555 އަށް އެސްއެމްއެސް ކޮށްގެންނެވެ. ނުވަތަ #1*929* އަށް ޑައިލް ކޮށްގެންނެވެ.

އުރީދޫއިން ވަނީ މަގޭ ޕްލޭން ކަސްޓަމަރުންނަށް ވެސް ބޮޑެތި ޑޭޓާ ލިބޭ ޕްރޮމޯޝަނެއް ފަށާފައެވެ. މި ޕްރޮމޯޝަންގެ ދަށުން 300 ރުފިޔާއަށް 25 ޖީބީ އަދި 350 ރުފިޔާއަށް 30 ޖީބީގެ މަންތުލީ ޕެކޭޖުތަކެއް ލިބޭނެއެވެ.