އުރީދޫގެ އެހީތެރިކަމާއެކު ކުމުންދޫގައި ވޯލްޑްކަޕް ބެލޭނެ ގޮތް ކައުންސިލުން ހަދައިފި

އުރީދޫ މޯލްޑިވްސްގެ އެހީތެރިކަމާއި އެކު ހދ. ކުމުންދޫގައި ވޯލްޑްކަޕް ބެލޭނެ އިންތިޒާމް ކުމުންދޫ ކައުންސިލުން ހަމަޖައްސައިފި އެވެ.

ކުމުންދޫ ކައުންސިލްގެ ރައީސް އަމީން މުހައްމަދު ކޭއޯއަށް މައުލޫމާތު ދެއްވަމުން ވިދާޅުވީ ވޯލްކަޕް ބެލޭނެ އިންތިޒާމް ހަމަޖެހިފައިވަނީ އުރީދޫއާއި ކައުންސިލާ ދެމެދު ވެވުނު އެގުރިމެންޓެއްގެ ދަށުން އުރީދޫގެ ފޭން ޒޯނެއްގެ ގޮތުގައި ހަމަޖެހިގެން ކަމަށެވެ.

އަމީން ވިދާޅުވީ މި އެހީތެރިކަމާއިއެކު 75 އިންޗީގެ ޓީވީއެއްގައި ކައުންސިލުގެ ގޯތިތެރޭގައި ގާތްގަނޑަކަށް 50 މީހުންގެ ޖާގައެއްގައި ވޯލްޑްކަޕް ބެލޭނެ އިންތިޒާމް ހަމަޖެހިފައިވާކަމަށެވެ. މި ޓީވީ ހަދިޔާކޮށްފައިވަނީވެސް އުރީދޫއިންނެވެ.

އަމީން ވިދާޅުވީ މިފަދަކަމެއް ކުމުންދޫގައި ކުރަން ކައުންސިލާގުޅިފައިވާތީ އުރީދޫއަށް ޝުކުރުދަންނަވާކަމަށެވެ.

މިރޭ ފެށޭ ދުނިޔޭގެ ތައްޓަށް ކުޅެވޭ އެންމެ ޝަރަފުވެރި ފުޓްބޯޅަ މުބާރާތް ކަމަށްވާ ވޯލްޑް ކަޕް 2022 ބެލުމަށް މުޅި ދުނިޔެ މިދަނީ އެކި ގޮތްގޮއް ތައްޔާރުވަމުންނެވެ.