ނޮޅިވަރަމު ސްކޫލުގެ ހޯލު އިމާރާތްކުރުމަށް ބަޔަކާ ހަވާލުކޮށްފި

ހދ ނޮޅިވަރަމު ސްކޫލުގެ މަލްޓިޕާޕާސް ހޯލު އިމާރާތްކުރުމަށް ބަޔަކާ ހަވާލުކޮށްފި އެވެ. މި މަސައްކަތް ހަވާލުކުރީ ނޯތު ކޯސްޓް ކޮންޓްރެކްޓަރސް ޕްރައިވެޓް ލިމިޓެޑް ނަމަކަށް ކިޔާ ކުންފުންޏަކާ އެވެ.

600 އެއްހާ ދަރިވަރުން ތައުލީމު ހާސިލުކުރަމުންދާ ނޮޅިވަރަމު ސްކޫލުގައި އިމާރާތްކުރާ މި ހޯލުގެ މަޝްރޫއުއަކީ 2022 ވަނަ އަހަރުގެ ޕީއެސްއައިޕީގެ ދަށުން ކުރިއަށްގެންދާ މަޝްރޫއެއްކަމަށް އެޑިއުކޭޝަން މިނިސްޓްރީން މައުލޫމާތު ދެއްވަ އެވެ.

މި އެއްބަސްވުމުގައި މިނިސްޓްރީ އޮފް އެޑިޔުކޭޝަންގެ ފަރާތުން ސޮއިކުރެއްވީ ސީނިއަރ ޕޮލިސީ ޑިރެކްޓަރ މޫސާ ނައީމެވެ. ނޯތް ކޯސްޓް ކޮންޓްރެކްޓަރސް ޕްރައިވެޓް ލިމިޓެޑް ގެ ފަރާތުން ސޮއިކުރެއްވީ އެ ކުންފުނީގެ ޑިރެކްޓަރ އަލީ އިޔާނެވެ.

އެ ކުންފުނިން މި މަސައްކަތަށް ހުށަހަޅުއްވާފައިވަނީ 15,073,651.92ރ އަށެވެ. މަޝްރޫއު އެއް އަހަރު ތެރޭގައި ނިންމަން ޖެހެ އެވެ.