ޝަހީދު ހުސެއިން އާދަމް ޕާރކް މަރާމާތުކޮށް ނިންމާލައިފި

ޝަހީދު ހުސެއިން އާދަމުގެ ނަމުގައި ކުޅުދުއްފުށީގައި ހަދާފައިވާ ކުޑަކުދިންގެ ޕާރކް މަރާމާތުކޮށް ނިންމާ އަންނަ ހުކުރުދުވަހު ހުޅުވާލަން ނިންމައިފި އެވެ.

2017 ވަނަ އަހަރު ހެދި މި މައިޒާނަކީ ކުޅުދުއްފުށީ ދެކުނު ދާއިރާގެ އޭރުގެ މެމްބަރު މުހައްމަދު ނަޝީދު ހެއްދެވި ޕާރކެކެވެ. މި ތަން މަރާމާތްނުކޮށް ހުރުމުގެ ސަބަބުން ސިޓީ ކައުންސިލުން މިވަނީ މަރާމާތުކޮށް ނިންމާލާފަ އެވެ.

ސިޓީ ކައުންސިލުން ބުނީ ޕާރކް މަރާމާތުކޮށް ނިންމާލާފައިވާ ކަމަށާއި މާދަމާއިން ފެށިގެން ޕާކު އާންމުންނަށް ބޭނުންކުރުމަށް ހުޅުވާލެވޭނެ ކަމަށެވެ. މި މަސައްކަތްކޮށްފައިވަނީ ސިޓީ ކައުންސިލުގެ ބަޖެޓުން 444،601.10 ރުފިޔާ ހަރަދުކޮށްގެން، އެމްއެންޑްއެމް ނަމަކަށް ކިޔާ ކުންފުންޏަކާ ހަވާލުކޮށްގެންނެވެ.

މި އެއްބަސްވުމުގެ ދަށުން ތަނުގެ ކުލަޔާއި ދަވާދުއާކުރުން، މައިޒާނުގައި ބެހެއްޓިފައިވާ ކުޅޭ ތަކެތި މަރާމާތުކުރުން، ނަންބޯޑު މަރާމާތުކުރުން، ލައިޓްތައް ބަދަލުކުރުން، ބެންޗުތައް މަރާމާތު ކުރުމުގެ އިތުރުންވެސް ގިނަ މަސައްކަތްތަކެއް ކޮށްފައިވާ ކަމަށެވެ.