ބޯޓެއް އަނދައި ހުލިވެ، އެކަކު ގެއްލިއްޖެ

ދަތުރުކުރަމުން ދިޔަ ބޯޓެއްގައި އަލިފާން ރޯވުމާއި ގުޅިގެން ސަލާމަތްވުމަށް ކަނޑަށް ފުންމާލި 14 މީހުން ކަނޑުވެ އެކަކު ގެއްލިގެން ހޯދަން ފަށައިފި އެވެ.

އެމްއެންޑީއެފުން ބުނީ ދެކުނުގެ ބައެއް ރަށްތަކާއި މާލެއާ ދެމެދު މުދާ އުފުލާ ބޯޓެއް ކަމަށްވާ އައްޑޫ ސިޓީ ހިތަދޫ "އާގަލާ" ނަމަކަމަކަށް ކިޔާ ބޯޓުގައި ހިނގި އަލިފާނުގެ ހާދިސާގައި ގެއްލުނު މީހާ ހޯދުމުގެ މަސައްކަތް މިހާރު ވެސް ކުރަމުން އަންނަ ކަމަށާއި އެ ބޯޓު މިހާރު އަޑިއަށް ގޮސްފައިވާ ކަމަށެވެ.

ބޯޓުގައި އަލިފާން ރޯވި ހާދިސާގެ މައުލޫމާތު އެމްއެންޑީއެފްއަށް ލިބުނީ ރޭ 2:47ގަ އެވެ.

އެމްއެންޑީއެފުން ބުނި ގޮތުގައި ބޯޓުގައި ތިބީ ޖުމްލަ 15 މީހުންނެވެ. އޭގެ ތެރޭގައި ހިމެނެނީ ފަސް ދިވެހިންނާއި އިންޑިއާގެ ފަސް މީހުންނާއި ބަންގްލަދޭޝްގެ ފަސް މީހުންނެވެ.

އޭގެ ތެރެއިން ސަލާމަތް ކުރެވުނު 14 މީހުން، ފުލުހުންގެ އެހީތެރިކަމާ އެކު މ މުލީ ހޮސްޕިޓަލަށް ގެންގޮސްފައިވާ ކަމަށް އެ ހިދުމަތުން ބުންޏެވެ. އެކަމަކު، އެ މީހުންގެ ސިއްހީ ހާލަތާ ގުޅޭ އެއްވެސް ތަފުސީލެއް މިހާތަނަށް އާންމުކޮށްފައެއް ނުވެއެވެ.