ޓެކްސީ ދަތުރުތަކަށާއި، ޑެލިވަރީ ހިދުމަތްތައް ހޯދުމަށް ރާއްޖޭގައި ކުރިއަރަމުން އަންނަ ގާޑިޔާއެޕްގެ ހިދުމަތްތައް ކުޅުދުއްފުއްޓަށް ތައާރަފްކޮށްފި އެވެ. މީގެ އިތުރުން ގާޑިޔާއެޕްގެ ހިދުމަތްތައް އައްޑޫ، ފުވައްމުލައް، ގދ ތިނަދޫ އަދި ލާމަށްވެސް ވަނީ ތައާރަފްކޮށްފަ އެވެ.
ކުޅުދުއްފުއްޓަކީ އުތުރުގެ އެންމެ ބޮޑު އާބާދީއަށްވެފައި، އަދި އެކިއެކި ބޭނުންތަކަށް ގިނަ އަދަދެއްގެ ރައްޔިތުން އަރާފައިބާ ރަށަކަށް ވާތީ، މި އެޕްލިކޭޝަންގެ ސަބަބުން ޓެކްސީ ދަތުރުތަކާ އަދި ޑެލިވަރީތައް ހޯދާލަން ރައްޔިތުންނަށް ފަސޭހަވެގެން ދާނެކަމުގައި ގާޑިޔާއެޕުން މައުލޫމާތުދެއެވެ.
ގާޑިޔާއެޕުން މައުލޫމާތު ދިން ގޮތުގައި، ގާޑިޔާއެޕްގެ ހިދުމަތް ލިބޭ ރަށްތަކުން ރާއްޖޭގެ ކޮންމެ ތަނެއްގައި ހުރެގެންވެސް ޑެލިވަރީއަށް ޖަހާލެވޭނެއެވެ.
އެގޮތުން ފިހާރަތަކުން ގަނެފަ ހުންނަ މުދާ ފެރީއަށް ގެންދިއުމާއި، ބޯޓުތަކުގައި ހުންނަ ހަދިޔާ ފޮށިތައް ގޭގެއަށް ގެންދިއުމަށާއި، އަދި ކާގޯއަށް މުދާ ގެންދިއުމަށްވެސް ގާޑިޔާއެޕުން ފަސޭހަކަމާއެކު ޑެލިވަރީއަށް ޖަހާލެވޭނެވެ.
ގާޑިޔާއެޕްގެ ޑްރައިވަރަކަށް ރަޖިސްޓްރީވުމަށްޓަކައި އެއްވެސް ފީއެއް ދައްކަން ނުޖެހޭނެކަމަށް ގާޑިޔާއެޕުން މައުލޫމާތުދެއެވެ. ގާޑިޔާއެޕްގެ ހިދުމަތްތަކަކީ ރައްކާތެރި، އިތުބާރުހިފޭ އަދި އަވަސްކަމާއެކު ދެވޭ ޖިދުމަތްތަކެވެ.
ގާޑިޔާއެޕްގެ ކަސްޓަމަރ އެޕް އަދި ޑްރައިވަރ އެޕް، އެޕްސްޓޯރުންނާއި ގޫގަލް ޕްލޭއިން ޑައުންލޯޑުކުރެވޭނެއެވެ.
ސްޓެއަރިން ކޮމެޓީއަށް އަލަށް ވަޓްސް އެޕް ގުރޫޕެއް ހެދިކަމަށް ބުނާ ވާހަކައަކީ ދޮގެއް: ރަފީޓޯ
އަލަށް ހެދި ވަޓްސް އެޕް ގުރޫޕަށް އެޑްނުކުރުމުން ކުރީގެ ގުރޫޕުން ބައެއް މެންބަރުން ނުކުމެއްޖެ
ހަނިމާދޫ އެއާޕޯޓްގެ މަސައްކަތް ސެޕްޓެމްބަރަށް ނިމޭނެ: މުއްތަލިބު
ކުޅުދުއްފުށީ ޓުއަރިޒަމް ބޯޑްގެ ޗެއާއަކަށް އަލީ، ވައިސް ޗެއާއަކަށް އަބުދުލްލަތީފް
