ކުމުންދޫ ރައީސް ޑިމޮކްރެކްޓްސްއާ ގުޅިއްޖެ

ހދ ކުމުންދޫ ކައުންސިލްގެ ރައީސް އަމީން މުހައްމަދު ދަ ޑިމޮކްރެކްޓްސް ޕާޓީއަށް ސޮއިކުރައްވައިފި އެވެ. އަމީން މީގެ ކުރިން ހުންނެވީ ވެރިކަން ކުރައްވާ ޕާޓީކަމުގައިވާ އެމްޑީޕީގަ އެވެ.

ކުރީގެ ރައީސް މުހައްމަދު ނަޝީދަށް ތާއީދުކުރައްވާ މެންބަރުން އިސްވެ ތިއްބަވައިގެން އުފައްދާ 'ދަ ޑިމޮކްރެޓްސް' ޕާޓީއާ އަމީން ސޮއިކުރައްވާފައިވަނީ ރޭގެ ވަގުތެއްގަ އެވެ.

"ވޭތުވެދިޔަ 13 އަހަރު އެމްޑީޕީގައި މަސައްކަތް ކުރީ އެމްޑީޕީއަކީ އަޅުގަނޑު ގަބޫލުކުރާ ސިޔާސަތު ތަކެއްގެ މައްޗަށް އުފެދިފައިވާ ޕާޓީއަކަށްވުމުން، މިއަދު މިވަނީ އެމްޑީޕީގެ އަސްލު އުސޫލުތަކާއި ހަމަތަކުން ނެއްޓިފަ." އަމީން ކުރެއްވި ޓްވީޓްގައި ލިޔުއްވާފައިވެ އެވެ.

3 ވަނަ ދައުރު ކުމުންދޫ ކައުންސިލްގެ ރައީސްކަން ކުރައްވަމުން ދެންދަވާ @Ameenkumundhoo މިވަނީ @TheDemocratsMV އާއި ރަސްމީކޮށް ގުޅިވަޑައިގެންފައި.
އަމީން އަކީ ހދ އަތޮޅުގެ ހައްގުގައި އަބަދުމެ ވަކާލާތު ކުރައްވާ ބޭފުޅެއް.
މަރުހަބާ އަމީން 👏 pic.twitter.com/O0S1pSWaGh

— Yasir Abdul Latheef (@YasirLathyf) May 28, 2023

އަމީންއަކީ ކުމުންދޫ ކައުންސިލްގެ ތިންވަނަ ދައުރުވެސް ރައީސެވެ. އޭނާ ވަނީ ހދ އަތޮޅު ކައުންސިލްގެ ނައިބު ރައީސްގެ މަގާމުވެސް ފުރުއްވާފަ އެވެ.