ކުޅުދުއްފުށީ ހޮސްޕިޓަލުގައި ކީމޯތެރަޕީގެ ހިދުމަތް ފަށަން ތައްޔާރުވެއްޖެ

ކުޅުދުއްފުށީ ސަރަހައްދީ ހޮސްޕިޓަލުގައި ކެންސަރު ބަލީގެ މީހުންނަށް ދޭ ކީމޯތެރެޕީގެ ހިދުމަތް ފަށަން ތައްޔާރުވެއްޖެ އެވެ.

ކޭއާރުއެޗުގެ ސީއީއޯ އަހުމަދު ދާއޫދު ކޭއޯއަށް ވިދާޅުވީ، ކީމޯތެރަޕީގެ ހިދުމަތް ފެށުމަށްޓަކާ ކުރަން ޖެހޭ ހުރިހާކަމެއް ނިމިފައިވާ ކަމަށެވެ. އެގޮތުން ސެޓަޕް ތައްޔާރުކޮށް، އެކަމަށް ހާއްސަ މުވައްޒަފުންވެސް ތަމްރީނުކޮށްފައިވާ ކަމަށެވެ.

ކީމޯތެރަޕީގެ ހިދުމަތް ފަށަން ރާއްޖޭން ބޭރުންވެސް މުވައްޒަފުން ތަމްރީންކޮށްފައިވެ އެވެ.

އޭނާ ވިދާޅުވީ، ކީމޯތެރަޕީގެ ހިދުމަތް ބޭނުންވާ ފަރާތްތަކުން ނަންނޯޓްކުރުމަށް މިއަދުގެ ވަގުތެއްގައި ހުޅުވާލާނެ ކަމަށެވެ. އެ ހިދުމަތް ފަށަން ހުޅުވާލުމާއެކު ހަވީރު 04:00 އިން ހެނދުނު 06:00 އަށް އެ ހޮސްޕިޓަލްގެ ނަންބަރު 6528864 އަށް ގުޅައިގެން ނަންނޯޓްކުރެވޭނެ ކަމަށެވެ.

މި ހޮސްޕިޓަލުގައި ކީމޯތެރަޕީގެ ޚިދުމަތް ފެށުމަށްޓަކައި، ޚިދުމަތް ބޭނުންފުޅުވާ ފަރާތްތަކުން ރަޖިސްޓަރ ކުރުމުގެ ފުރުޞަތު މިހާރު މިވަނީ ހުޅުވާލެވިފައި. ނަންނޯޓު ކުރެއްވުމަށް ކޮންމެ ދުވަހެއްގެވެސް 1600 ން 0600 ށް 6528864 ގުޅުއްވާލައްވާ!@HMH_mv @MoHmv @presidencymv pic.twitter.com/pzLbdNeee1

— Kulhudhuffushi Regional Hospital (@KRHmv) June 19, 2023

މިއަހަރުގެ ދައުލަތުގެ ބަޖެޓްގައި އެ ހޮސްޕިޓަލްގައި ކީމޯތެރަޕީގެ ހިދުމަތް ދޭނެ ވޯރޑެއް ގާއިމުކުރުމަށް 1،500،000 މިލިއަން ރުފިޔާ ވަނީ ބަޖެޓްކޮށްފަ އެވެ.