ޤާސިމްގެ ކެންޑިޑަސީ ފޯމް އީސީއަށް ހުށައަޅުއްވައިފި

ޖުމްހޫރީ ޕާޓީގެ ރިޔާސީ ކެންޑިޑޭޓް އަދި އެ ޕާޓީގެ ލީޑަރު ގާސިމް އިބްރާހީމްގެ ކެންޑިޑެސީ ފޯމް އިލެކްޝަންސް ކޮމިޝަން (އީސީ)އަށް ހުށަހަޅުއްވައިފި އެވެ.

ކެންޑިޑެސީ ފޯމު ހުށަހެޅުއްވުމަށް ގާސިމް، ދަރުބާރުގޭގައި ގާއިމުކޮށްފައިވާ އީސީގެ އިންތިހާބީ މަރުކަޒަށް ވަޑައިގަތީ ޖުމްހޫރީ ޕާޓީގެ މައި ޖަގަހަ، މ. ކުނޫޒުން ހިންގަވާފަ އެވެ. ގާސިމާ އެކު ޖުމްހޫރީ ޕާޓީގެ ލީޑާޝިޕާއި ގިނަ އަދަދެއްގެ ސަޕޯޓަރުންވެސް ވަޑައިގަތެވެ.

ގާސިމުގެ ފޯމާ އީސީގެ ފަރާތުން ހަވާލުވެވަޑައިގަތީ އެ ކޮމިޝަންގެ ރައީސް ފުއާދު ތައުފީގެވެ.

ފޯމު ގާސިމްގެ ރަނިން މޭޓަކަށް ހަމަޖައްސާފައި ވަނީ ޖުމްހޫރީ ޕާޓީގެ ޑެޕިއުޓީ ލީޑަރު އަމީން އިބްރާހީމެވެ. އަމީނަށް ރަނިން މޭޓްކަން ދޭން ނިންމައި އެކަން އިއުލާން ކުރީ އިއްޔެ އެވެ. ގާސިމުގެ އިންތިހާބީ އޭޖެންޓަކީ އޭނާގެ ސްޕެޝަލް އެޑްވައިޒަރު އަދި ކުރީގެ ޓޫރިޒަމް މިނިސްޓަރު އަލީ ވަހީދެވެ.