ކެމްޕޭނަށް ރައީސް ހދ އަތޮޅުގައި

ރިޔާސީ އިންތިހާބުގެ ކެމްޕޭނަށް ރައީސުލްޖުމްހޫރިއްޔާ އަދި އެމްޑީޕީގެ ރިޔާސީ ކެންޑިޑޭޓް އިބްރާހީމް މުހައްމަދު ސޯލިހު މިއަދު ހދ އަތޮޅަށް ވަޑައިގެންފި އެވެ.

ކެމްޕޭންގައި ރައީސް ސޯލިހު ހދ އަތޮޅަށް ކުރައްވާ ދަތުރުފުޅުގައި ކޯލިޝަންގައި ހިމެނޭ ސިޔާސީ ޕާޓީތަކުގެ ލީޑަރުންނާއި ބައެއް ވަޒީރުން ބައިވެރިވެވަޑައިގަންނަވަ އެވެ. ރިޔާސީ އިންތިހާބުގެ ކެމްޕޭންގައި ރައީސް ސޯލިހު މީގެ ކުރިންވެސް ހދ އަތޮޅަށް ވަޑައިގެންފަ އެވެ.

މިއަދު ހދ އަތޮޅުގެ ކެމްފެއިންދަތުރުފުޅު ފައްޓަވާފައިވަނީ އެ އަތޮޅު ނޮޅިވަރަމްފަރުންނެވެ.

ކުރިއަށް އޮތް ރިޔާސީ އިންތިހާބުގެ ކެމްޕޭންގައި ރައީސް ސޯލިހު މިހާތަނަށް ވަނީ ހއ. ށ. ނ. ރ. ބ. ޅ. އއ. ވ، މ، ދ. ލ. ގއ. ގދ. އަދި ފުވައްމުލަކަށް ވަޑައިގެންފަ އެވެ.