ކުޅުދުއްފުއްޓަށް މި ފަސް އަހަރު އެއްވެސް ކަމެއް ނުކޮށްދޭ

ރައީސް އިބުރާހިމް މުހައްމަދު ސޯލިހްގެ މި ފަސް އަހަރު ކުޅުދުއްފުއްޓަށް އެއްވެސް ކަމެއް ނުކޮށްދެއްވާކަމަށް އަންހެނުން ތަރައްގީއަށް މަސައްކަތްކުރާ ކޮމެޓީގެ ރައީސާ ހަދީޖާ މޫސާ ވިދާޅުވެއްޖެ އެވެ.

ދެލިއެމްވީއަށް ދީފައިވާ އިންޓަވިއުގައި ހަދީޖާ މޫސާ ވިދާޅުވީ، ރައީސް ސޯލިހަށް ވޯޓް ދޭން ޖެހޭ ސަބަބެއް އޮތް ތޯ ވަރަށް ވިސްނައިފިން ކަމަށެވެ. އެހެންނަމަވެސް އެމަނިކުފާނަށް ވޯޓް ދޭން ޖެހޭނެ ސަބަބެއް ނެތްކަމަށް ހަދީޖާ ވިދާޅުވި އެވެ.

"އަޅުގަނޑު ވަރަށް ވިސްނައިފިން އިބުރާހިމް މުހައްމަދު ސޯލިހަށް ވޯޓް ދޭން ޖެހޭނެ ގޮތެއް އޮތްތޯ. އެކަމަކު ނެތް އިނގޭތޯ. އަޅުގަނޑުމެން މިރަށަށް ބަލާލިޔަސް މި ފަސް އަހަރުތެރޭގައި އެއްވެސް ކަމެއްކޮށްދީފައެއް ނެތް." ކުޅުދުއްފުށީ އަންހެނުން ކޮމެޓީގެ ރައީސާ ވިދާޅުވި އެވެ.

ޕީޕީއެމްއަށް ނިސްބަތްވެލައްވާ ހަދީޖާ ވިދާޅުވީ، އެހެންވުމުން ޕީއެންސީ/ޕީޕީއެމްގެ ކެންޑިޑޭޓް ޑރ މުހައްމަދު މުއިއްޒު ނޫން ގޮތެއް ނެތް ކަމަށެވެ.