ވައުދުތައް ނުފުއްދަ ކުޅުދުއްފުއްޓަށް ރައީސް ވަޑައިގަންނަވާތީ ރައްޔިތުން އިހްތިޖާޖުކުރަނީ

ރައީސުލްޖުމްހޫރިއްޔާ އިބުރާހިމް މުހައްމަދު ސޯލިހް މިދައުރު ކުޅުދުއްފުއްޓަށް ވެފައިވާ ވައުދުތައް ނުފުއްދަވާ މިއަދު ކުޅުދުއްފުއްޓަށް ވަޑައިގަންވާތީ، ރައްޔިތުންގެ ކަންބޮޑުވުންތައް އެމަނިކުފާނަށް އިއްވުމަށް އިހުތިޖާޖުކުރަންފަށައިފި އެވެ.

ރައީސް މިއަދު ކުޅުދުއްފުއްޓަށް ވަޑައިގަންނަވާތީ ބަނދަރު ސަރަހައްދުން ބޮޑު ސަރަހައްދެއް ބަންދުކޮށް ފުލުހުން އަންނަނީ ފޯރިމަރަމުންނެވެ. މި މަސައްކަތައް މާލެ ސަރަހައްދުންވެސް ފުލުހުން ވަނީ މި ރަށަށް ގެނެސްފަ އެވެ.

އިހުތިޖާޖު ކުރާފަރާތްތަކުން އަޑުއުފުލުމަށް ކުޅުދުއްފުއްޓަށް ރައީސް ވެފައި، ނުފުއްދާ ހުރި ވައުދުތައް ހިމެނޭ ބެނާތައް އަންނަނީ ބޭނުން ކުރަމުންނެވެ.

އޭގެތެރޭގައި ޓިވެޓް ސެންޓަރު، ކުޅުދުއްފުށީ ޓާޝިއަރީ ހޮސްޕިޓަލުގެ އާ އިމާރާތް، ސިންތެޓިކް ޓްރެކް ފަދަ ވައުދުތައް ހިމެނެ އެވެ.

ރައީސް ކުޅުދުއްފުއްޓަށް ވަޑައިގަންވާއިރު ކުޅުދުއްފުއްޓަށް ކޮށްދެންވަން ވައުދުވި ގިނަ ކަންތައްތަކެއް ކޮށްދީފައިނުވާތީ އެކަންބޮޑުވުން ރައީސްއަށް އިއްވުމަށް ވަކި ޕާޓީއަކަށް ނިސްބަތްނުވާ ރައްޔިތުންތަކެއް މަސައްކަތްކުރަމުން އަންނައިރު ރައްޔިތުންގެ ކަންބޮޑުވުންތައް އެމަނިކުފާނަށް ނީވޭގޮތަށް ހެދުމަށް ފުލުހުން އަންގާފައިވާކަމަށް ޕީޕީއެމްގެ އިސް ބޭފުޅަކުވަނީ ބުނެފަ އެވެ.