ކުޅުދުއްފުށީ ޓަވަރުތައް އަޅާ ސައިޓްގައި އަލިފާން ރޯވެ އަނދަނީ

ކުޅުދުއްފުށީ ހިއްކި ބިމުގައި އިމާރާތްކުރާ ޓަވަރުތައް އަޅާ ސައިޓުގައި އަލިފާން ރޯވެ އަދަމުން އެބަ ދެ އެވެ.

ދޮންބޭޒްގެ އެ ސައިޓުގައި ރޯވެފައިވަނީ އެކޮމަޑޭޝަން އަށް ބޭނުންކުރާ ބައެއްގަ އެވެ.

އަލިފާން ނިއްވުމުގެ މަސަކަތް އެމްއެންޑީއެފްއިން ކުރަމުން ދާއިރު އެތަނުން ވަރަށް ގިނަ އަދަދެއްގެ ދުންއަރަމުން ދެއެވެ.

އަލިފާންގަނޑު މިހާރުވަނީ ކޮންޓްރޯލް ކުރެވިފަ އެވެ.

ވެލިގަނޑުގައި ހަދާ މި 11 ބުރީގެ 5 ޓަވަރަކީ މިއީ ސަރުކާރުން އަތޮޅުތެރޭގައި ހިންގާ އެންމެ ބޮޑު ހައުންސިންގ ޕްރޮޖެކްޓެވެ. 439 މިލިއަން ރުފިޔާއަށް މި ޕްރޮޖެކްޓް މިދިޔަ އަހަރުގެ ޖުލައިމަހު، ހަވާލުކުރީ ދޮންބޭޒް ޕްރައިވެޓް ލިމިޑެޓްގެ ވެންޗާ ކުންފުނިކަމަށްވާ ޓްވެންޓީ ތާރޑް މެޓާލާރޖިކަލް ކޮންސްޓަރަކްއާ އެވެ.