ކޯރަމް ހަމަނުވެގެން މިއަދުގެ މަޖިލިސް ނުބޭއްވުނު

ރައްޔިތުންގެ މަޖިލީހުގެ ޖަލްސާ ބޭއްވުމަށް ބޭނުންވާ ގާނޫނީ އަދަދު ކަމަށްވާ 22 މެންބަރުން ހަމަނުވުމުން، މަޖިލީހުގެ މިއަދުގެ ޖަލްސާ ނިންމާލައިފިއެވެ.

މިއަދުގެ ޖަލްސާ ފެށުމަށްޓަކައި މަޖިލީހުގެ ގަވާއިދުގައި ބުނާ 22 މެމްބަރުން ނެތް ކަމަށް ވިދާޅުވެ، ރިޔާސަތުން މަޖިލީހުގެ ނައިބު ރައީސް އަދި ގަލޮޅު އުތުރު ދާއިރާގެ މެމްބަރު އީވާ އަބްދުﷲ ނިންމެވީ ޖަލްސާ ބޭއްވެން ނެތް ކަމަށެވެ.

މިއަދުގެ ޖަލްސާ އަށް އެޖެންޑާކޮށްފައިވާ އެންމެ މުހިންމު ކަމަކީ މިއަހަރުގެ ބާކީ ބަޔަށް ސަރުކާރުން ހުށަހަޅާފައިވާ ސަޕްލިމަންޓްރީ ބަޖެޓުގެ މަސައްކަތެވެ.

ފިނޭންސް މިނިސްޓްރީން ބަޖެޓަށް އިތުރު 6.5 ބިލިއަން ރުފިޔާ ހުށަހެޅީ ރިކަރަންޓް ހަރަދަށް 3.1 ބިލިއަން ރުފިޔާ އަދި ކެޕިޓަލް ހަރަދަށް 3.3 ބިލިއަން ރުފިޔާ އެވެ.

ސަޕްލިމަންޓްރީ ބަޖެޓުގެ އިތުރުން، ޖުޑީޝަލް ސާވިސް ކޮމިޝަން (ޖޭއެސްސީ) ގެ އެކުލެވުން ބަދަލުކުރަން ސަރުކާރުގެ ފަރާތުން ހުށަހަޅާފައިވާ އިސްލާހުތަކުގެ ބަހުސް ކުރިއަށް ގެންދިޔުން ވެސް މިއަދުގެ އެޖެންޑާގައި އޮތީ ހިމަނައިފަ އެވެ.

އޭގެ އިތުރުން, މަޑުއްވަރީ ދާއިރާގެ މެމްބަރު އާދަމް ޝަރީފް ހުށަހެޅުއްވީ "ރާއްޖޭގެ މަސް ކަނޑުން ގެއްލުނު ބައި ހޯދުމުގެ މަސައްކަތް އަވަހަށް ކުރުމަށް ސަރުކާރަށް ގޮވާލާ ގަރާރު" ގެ ބަހުސް ވެސް އެޖެންޑާ ކުރި އެވެ.

އަދި, މަޖިލީހުގެ މެމްބަރުންގެ އަދަދު އެއްވަރެއްގައި ހިފެހެއްޓުމަށް ގާނޫނު އަސާސީއަށް ހުށަހަޅާފައިވާ އިސްލާހުގެ ބިލާއި, ޖޭއެއެސްސީ އެކުލެވިގެންވާ ގޮތް ބަދަލުކުރުމުގެ ބަހުސް ވެސް މިއަދުގެ އެޖެންޑާގައި ހިމަނާފައި އޮތެވެ.

މަޖިލީހުގެ ތިން ވަނަ ދައުރު ފެށުނު ފަހުން ކޯރަމް ހަމަނުވުމުގެ މައްސަލަ ވަނީ ބޮޑުވެފައެވެ.