އެތެރެހަށީގެ ޑޮކްޓަރަކާއި ހަމުގެ ޑޮކްޓަރަކު ކުޅުދުއްފުށީ ވައިޓަލް ކެއާއަށް

ހަމުގެ ހާއްސަ ޑޮކްޓަރަކާއި އެތެރެހަށީގެ ހާއްސަ ބަލިތަކުގެ ޑޮކްޓަރަކު ކުޅުދުއްފުށީ ވައިޓަލް ކެއާގައި ބަލި މީހުން ބަލާ ގޮތަށް ހަމަޖެހިއްޖެ އެވެ.

މިމަހު 3 އަދި 4 ގައި އެ ކުލިނިކުގައި ބަލި މީހުން ބަލާގޮތަށް ހަމަޖެހިފައިވަނީ ހަމުގެ ހާއްސަ ޑޮކްޓަރު، ޑރ މަރިޔަމް ނަސީމެވެ. އަދި އެތެރެހަށީގެ ހާއްސަ ބަލިތަކުގެ ޑޮކްޓަރު، ޑރ އަހުމަދު ޒޫޝާން އެ ކުލިނިކުގައި ފަރުވާދެއްވާނެ އެވެ.

ޑޮކްޓަރަށް ދައްކަން ބޭނުންވާ ފަރާތްތަކުން އެކުލިނިކްގެ ނަމްބަރު 6527315 ނުވަތަ 7427315 ގުޅައިގެން އެޕޮއިންޓްމެންޓް ހެދޭނެ އެވެ.

ފުޅާ ދާއިރާއެއްގައި ދަތުގެ ފަރުވާގެ ހިދުމަތްވެސް ދެމުން އަންނަ ވައިޓަލް ކެއާއަކީ، މަލްޓި ސްޕެސަލިޓީގެ ގިނަ ހިދުމަތްތަކެއްވެސް ފޯރުކޮށްދެމުން އަންނަ ކުލިނިކެކެވެ.

ލެބޯރަޓަރީއާއި ފާމަސީގެ ހިދުމަތްވެސް ލިބެން ހުންނަ މިކުލިނިކުން އާސަންދައިން ކަވަރކުރާގޮތަށް އިތުރު ފީއަކާއި ނުލައި މިހިދުމަތްތައް ލިބެން ހުރެއެވެ.