ރާއްޖެބަލި ފަދަ ހުޅުތަކުގައި ރިއްސުމާއި ދުޅަވުމުގެ ބަލިތަކަށް ހާއްސަ ޑޮކްޓަރެއް ކުޅުދުއްފުށީ ވައިޓަލް ކެއާއަށް

ރާއްޖެބަލި ފަދަ ހުޅުތަކުގައި ރިއްސުމާއި ދުޅަވުމުގެ ބަލިތަކަށް ހާއްސަ ޑޮކްޓަރެއް ކުޅުދުއްފުށީ ވައިޓަލް ކެއާގައި ބަލި މީހުން ބަލާ ގޮތަށް ހަމަޖެހިއްޖެ އެވެ.

މިމަހު 12 އަދި 13 ގައި އެ ކުލިނިކުގައި ބަލި މީހުން ބަލާގޮތަށް ހަމަޖެހިފައިވަނީ ރާއްޖެބަލި ފަދަ ހުޅުތަކުގައި ރިއްސުމާއި ދުޅަވުމުގެ ބަލިތަކަށް ހާއްސަ، ކޮންސަލްޓަންޓް އިން ސަބްސްޕެޝަލިޓީ އިން ރޫމަޓޯލޮޖީ ޑރ އިބްރާހިމް ސުޖާއު އެވެ.

ޑޮކްޓަރަށް ދައްކަން ބޭނުންވާ ފަރާތްތަކުން އެކުލިނިކްގެ ނަމްބަރު 6527315 ނުވަތަ 7427315 ގުޅައިގެން އެޕޮއިންޓްމެންޓް ހެދޭނެ އެވެ.

ފުޅާ ދާއިރާއެއްގައި ދަތުގެ ފަރުވާގެ ހިދުމަތްވެސް ދެމުން އަންނަ ވައިޓަލް ކެއާއަކީ، މަލްޓި ސްޕެސަލިޓީގެ ގިނަ ހިދުމަތްތަކެއްވެސް ފޯރުކޮށްދެމުން އަންނަ ކުލިނިކެކެވެ.

ލެބޯރަޓަރީގެ ހިދުމަތްވެސް ލިބެން ހުންނަ މިކުލިނިކުން އާސަންދައިން ކަވަރކުރާގޮތަށް އިތުރު ފީއަކާއި ނުލައި މިހިދުމަތްތައް ލިބެން ހުރެއެވެ.