މުއިއްޒު ހުވާ ކުރައްވާ ދުވަހު އިސްލާމީ މަރުކަަޒުގެ ބައެއް ބަންދު ކުރަނީ

އިންތިހާބީ ރައީސާއި ނައިބު ރައީސް ހުވާކުރުމުގެ ރަސްމިއްޔާތު ހިނގަމުންދާ ވަގުތު އިސްލާމީ މަރުކަޒުގެ ދެކުނު ފަޅި އާއި އިރުމަތީ ފަރާތް ބޭނުންކުރަން އިސްލާމިކް މިނިސްޓްރީން އެދެފިއެވެ.

އިންތިހާބީ ރައީސް ޑރ. މުހައްމަދު މުއިއްޒު އަދި، އިންތިހާބީ ނައިބް ރައީސް ހުސައިން މުހައްމަދު ލަތީފް މަގާމުގެ ހުވާ ކުރުން އޮންނާނީ މިމަހުގެ 17 ވަނަ ދުވަހުގެ ހަވީރު ޖުމްހޫރީ މައިދާނުގައެވެ.

އިސްލާމިކް މިނިސްޓްރީން ނެރުނު އިއުލާނުގައި ބުނީ، އިސްލާމީ މަރުކަޒުގައި އެދުވަހުގެ އަސްރު ނަމާދާއި، މަޣްރިބް ނަމާދަށް ވަޑައިގަންނަވާ ބޭފުޅުން އިސްލާމީ މަރުކަޒުގެ ދެކުނު ފަޅި ކުރީގެ ދިރާގު މައި އޮފީސް ހުރި ފަޅިއާއި، އިރުމަތީ ފަރާތު ނޭޝަނަލް އާޓް ގެލެރީ ހުންނަ ފަޅި ބޭނުންކުރެއްވުމަ ށެވެ.

އިންތިހާބީ ރައީސް، އަދި ނައިބް ރައީސް ހުވާ ކުރައްވާ ރަސްމިއްޔާތުގައި ރާއްޖެއާއި ރާއްޖޭން ބޭރު ގައުމުތަކުގެ އިސް ވެރިން ބައިވެރިވެވަޑައިގަންނަވާތީ ސަލާމަތީ ސަބަބުތަކަށްޓަކައި ބައެއް ސަރަހައްދުތައް އެދުވަހު ބަންދު ކުރާނެއެވެ.

މަޖިލީހުން މީގެ ކުރިން ވިދާޅުވެފައިވާ ގޮތުގައި މިރަސްމިއްޔާތަށް 3،500 އަށްވުރެ ގިނަ މީހުންނަށް ވަނީ ދައުވަތު އަރުވަން ނިންމާފައެވެ.