ދައުލަތަށް ގިނަ ހިދުމަތްތަކެއްކޮށްދެއްވި އަބުދުއްރަހީމް އަވަހާރަވެއްޖެ

ދައުލަތަށް 40 އަހަރަށްވުރެ ގިނަ ދުވަހު ހިދުމަތްކުރެއްވި ހދ ކުޅުދުއްފުށީ / ގުލްބަކާގެ އަބުދުއްރަހީމް އަހުމަދު (ރަހީންބެ) އަވަހާރަވެއްޖެ އެވެ.

ރަހީންބެ އަވަހާރަވީ ރޭގެ ވަގުތެއްގައި އައިޖީއެމްއެޗް އައިސީޔޫގައި ފަރުވާދެމުންދަނިކޮށް އުމުރުފުޅުން 74 އަހަރުފުޅުގައި އެވެ.

ރަހީންބެ އަދާކުރެއްވި މަގާމުތަކުގެ ތެރޭގައި ކުޅުދުއްފުށީ ކުޑަކަތީބުކަމާއި ހދ އަތޮޅުވެރިޔާގެ އެހީތެރިޔާކަމާއި އަތޮޅުވެރިޔާގެ އިސް އެހީތެރިޔާގެ މަގާމު ހިމެނެ އެވެ.

ރަހީންބެ އަވަހާރަވީއިރު ދެ އަނބިންނާއި 17 ބޭފުޅުން އެބަތިއްބެވި އެވެ. އެއީ 11 ފިރިހެން ބޭފުޅުންނާއި 6 އަންހެން ބޭފުޅުންނެވެ.

ރަހީންބެ މައްޗަށް ކުރެވޭ ކަށުނަމަދު އޮންނާނީ މިއަދު އަސުރު ނަމާދަށް ފަހު ހުޅުމާލެ ސަހަރާ މިސްކިތުގަ އެވެ.