އުރީދޫއިން ސެމްސަން އެސް24 ސީރީޒްގެ ޕްރީ އޯޑަރުކުރަން ހުޅުވައިފި

އުރީދޫއިން ސެމްސަން އެސް24 ސީރީޒް ދައްކައިލައި، ޕްރީ-އޯޑަރަށް ހުޅުވައިފި އެވެ.

އެ ކުންފުނިން ބުނީ، ކަސްޓަމަރުންނަށް ޕްރީއޯޑަރު ކުރުމަށް މިދިޔަ ހުކުރު ދުވަހުގެ މެންދަމު 00:00 އިން ފެށިގެން އުރީދޫގެ އީކޮމާސް ޕްލެޓްފޯމް މޫލީ މެދުވެރިކޮށް ކަމަށެވެ.

ސެމްސަން ގެލެކްސީ އަންޕެކްޑް އިވެންޓް ބެލުމަށް "ވޮޗް ޕާޓީ"އެއް އުރީދޫއިން ވަނީ އާއްމުންނަށް ހުޅުވައިލައިގެން އިންތިޒާމު ކޮށްފައެވެ.

މި އިވެންޓުގެ ބައިވެރިިންގެ މެދުގައި ނެގޭ ލަކީޑްރޯ އަކުން ހޮވޭ ފަސް މީހަކަށް ސެމްސަން ގެލެކްސީ ބަޑްސް-2 ލިބިގެންދާނެ ކަމަަަށް އެ ކުންފުނިން ބުންޏެވެ.

އެ ކުންފުނިން ދަނީ އެންމެ ފަހުގެ ޓެކްނޮލޮޖީ އަދި ޑިވައިސްތައް ދިވެހިންނަށް ފޯރުކޮށްދިނުމަށް ސެމްސަން ފަދަ ފުންނާބު އުސް ކުންފުނިތަކާއެކު ގާތުން މަސައްކަތްކުރަމުންނެވެ.