ގއ ވިލިނގިލިން ކުއްލި ހާލަތުގައި މިދިޔަ ބުރާސްފަތި ދުވަހު މާލެ ގެނެސް ފަރުވާ ދެނިކޮށް ނިޔާވި އުމުރުން 13 އަހަރުގެ މުހައްމަދު ޖާހު ހާލިދުގެ އާއިލާއަށް ތައުޒިޔާ ވިދާޅުވެ، ކުއްލި ހާލަތުގައި ބަލި މީހުން އުފުލުމުގެ ނިޒާމު އިސްލާހު ކުރަން ރައީސުލްޖުމްހޫރިއްޔާ ޑރ. މުހައްމަދު މުއިއްޒު ކަމާ ގުޅުން ހުރި ސަރުކާރުގެ ހުރިހާ އިދާރާތަކަށް އަންގަވައިފައެވެ.
އަދި، ބަލި ހާލަތެއް މެދުވެރިވެގެން، އިތުރު ފަރުވާ ދިނުމަށް، ވައިގެ މަގުން ބަލި މީހަކު ގެނެސްދޭންޖެހޭ އެއްވެސް ހާލަތެއްގައި، އާސަންދަ ފަދަ އިދާރާތަކުން ކަންކަން ހަމަޖެހެންދެން މަޑުނުކުރައްވައި، ސިއްހީ ފަރުވާދޭ ތަނަކުން އެފަދަ ކަމަކަށް އެދުމާއެކު، ވީ އެންމެ އަވަހަކަށް ބަލިމީހާ ގެނެސްދިނުމަށް އިސްކަން ދިނުމުގެ އުސޫލެއް ކަނޑައަޅައި، އެގޮތަށް އައިލެންޑް އޭވިއޭޝަނުން އަބަދުވެސް އަމަލުކުރަމުން ގެންދެވުމަށް ރައީސުލްޖުމްހޫރިއްޔާ ވަނީ އެދިވަޑައިގެންފައެވެ.
އެ ކުއްޖާ ނިޔާވީ މާލެ ގެނައުން ލަސްވެ، އިތުރު ފަރުވާ ވެސް ލަސްވުމުން ކަމަށް އެ ކުއްޖާގެ އާއިލާ އިން ތުހުމަތު ކުރާތީ ސަރުކާރަށް ވަނީ ފާޑުކިޔުން އަމާޒުވެފަ އެވެ.
ރައީސް އޮފީހުން ނެރުނު ބަޔާނެއްގައި ބުނީ، އެ ހާދިސާގައި ކަން ހިނގާފައިވާ ގޮތުގެ ތަފްސީލީ މައުލޫމާތު ހޯދައި އެފަދަ ކަމެއް ދެ ވަނަ ފަހަރަށް ތަކުރާރު ނުވާނެ ގޮތަކަށް ކަން ކުރުމަށް ރައީސް އަންގަވާފައިވާ ކަމަށެވެ.
ސްޓެއަރިން ކޮމެޓީއަށް އަލަށް ވަޓްސް އެޕް ގުރޫޕެއް ހެދިކަމަށް ބުނާ ވާހަކައަކީ ދޮގެއް: ރަފީޓޯ
އަލަށް ހެދި ވަޓްސް އެޕް ގުރޫޕަށް އެޑްނުކުރުމުން ކުރީގެ ގުރޫޕުން ބައެއް މެންބަރުން ނުކުމެއްޖެ
ހަނިމާދޫ އެއާޕޯޓްގެ މަސައްކަތް ސެޕްޓެމްބަރަށް ނިމޭނެ: މުއްތަލިބު
ކުޅުދުއްފުށީ ޓުއަރިޒަމް ބޯޑްގެ ޗެއާއަކަށް އަލީ، ވައިސް ޗެއާއަކަށް އަބުދުލްލަތީފް
