ރައީސުލްޖުމްހޫރިއްޔާ ޑރ. މުހައްމަދު މުއިއްޒު މަގާމާ ހަވާލުވެވަޑައިގަތުމަށް ފަހު އަތޮޅުތެރެއަށް ކުރައްވާ ފުރަތަމަ ދަތުރުގައި މިއަދު ތ އަތޮޅަށް ވަޑައިގަންނަވައިފި އެވެ. ފުރަތަމަ ވަޑައިގެންނެވީ އެ އަތޮޅު ގުރައިދުއަށެވެ.
ރައީސް ގުރައިދުއަށް ފައިބައިވަޑައިގަތުމާއެކު އެރަށު ރައްޔިތުންގެ ފަރާތުން އެމަނިކުފާނަށް ވަރަށް ހޫނު މަރުހަބާއެއް ދެންނެވިއެވެ.
މި ދަތުރުފުޅުގައި އެމަނިކުފާނު ގުރައިދޫގެ ރައްޔިތުންނާ ބައްދަލުކޮށްލެއްވުމަށްވަނީ ހަމަޖެހިފައެވެ. މީގެ އިތުރުން ގުރައިދޫ ކައުންސިލާއި، އެރަށުގެ އަންހެނުންގެ ތަރައްޤީއަށް މަސައްކަތްކުރާ ކޮމިޓީއާވެސް ބައްދަލުކުރައްވަންވަނީ ހަމަޖެހިފައެވެ.
ރައީސް އޮފީހުން ބުނީ ރައީސުލްޖުމްހޫރިއްޔާ ޑރ މުއިއްޒު، ރައީސުލްޖުމްހޫރިއްޔާކަމުގެ މަސްއޫލިއްޔަތު އަދާކުރެއްވުމުގައި މަސައްކަތް ކުރައްވާނީ ރައްޔިތުންނާ ވީހާވެސް ގާތުން، ރައްޔިތުންގެ އަޑު އައްސަވައިގެން ކަމުގައި އެމަނިކުފާނު ވިދާޅުވެފައިވާކަމަށެވެ. އަދި އެމަނިކުފާނު ރައްޔިތުންނާ ގިނަގިނައިން ބައްދަލުކުރައްވާނެ ކަމަށާއި، އަދި ރާއްޖޭގެ ހުރިހާ ރަށަކަށް ވަޑައިގަންނަވާނެ ކަމުގައިވެސް ތަކުރާރުކޮށް ވިދާޅުވެފައިވެއެވެ.
ރައީސުލްޖުމްހޫރިއްޔާ ތ. އަތޮޅުގެ ރަށްތަކަށް މިއަދު ފެއްޓެވި 3 ދުވަހުގެ މި ދަތުރުފުޅުގައި އެމަނިކުފާނުގެ އަރިހުގައި ސަރުކާރުގެ މަތީފަންތީގެ ވަފުދެއް ބައިވެރިވެވަޑައިގަންނަވައެވެ.
ހަނިމާދޫގައި އިމާރާތްކުރާ މިސްކިތުގެ ނުނިމިހުރި މަސައްކަތް ނިންމުމަށް އެމްޓީސީސީއަށް
ވިލާކޮލެޖު ކުޅުދުއްފުށީ ކެމްޕަހުގައި މިފަހަރުވެސް މާސްޓަރސް އޮފް ނާސިންގ ކިޔެވުމުގެ ފުރުސަތު
ޖާގައިގެ މައްސަލަ ހައްލުނުވެ ޖަލާލުއްދީން ސްކޫލްވެސް ދެ ދަންފަޅިއަށް
1.2 މެގަވޮޓްގެ އިތުރު އިންޖީނެއް ކުޅުދުއްފުއްޓަށް ގެނެސްފި
