ދޯހާ މެރެތަންއަށް ފޮނުވާ ދެ ކަސްޓަމަރުން އުރީދޫއިން ހޮވައިފި

އުރީދޫގެ ދޯހާ މެރެތަންގައި ބައިވެރިވުމުގެ ފުރުސަތާއެކު ގަތަރަށް ހިލޭ ދަތުރެއް ލިބޭ ލަކީޑްރޯގެ ނަސީބުވެރިން އުރީދޫ މޯލްޑިވްސްއިން އިއުލާނުކޮށްފިއެވެ.

އުރީދޫ ދޯހާ މެރެތަން އޮންނާނީ އަންނަ ހުކުރު ދުވަހުގައެވެ.

އުރީދޫއިން ބުނީ، އެ ލަކީޑްރޯއިން ހޮވިފައިވަނީ އަފީފް އަބްދުލް ސަމަދާއި މުހައްމަދު އަހްމަދު ކަމަށެވެ.

އެ ކުންފުނިން ބުނި ގޮތުގައި އެ ލަކީޑްރޯއަކީ ސިއްހަތާއި ފިޓްނަސް ކުރިއަރުވުމަށާއި މުޖުތަމައުއާ އޮންނަ ގުޅުން އިތުރަށް ބަދަހިކުރުމުގެ އިތުރުން އުރީދޫ ކަސްޓަމަރުންނަށް ތަފާތު އެކި ފުރުސަތުތައް ތަނަވަސްކޮށްދިނުމަށް އެ ކުންފުނިން ކުރަމުން އަންނަ މަސައްކަތުގެ ރަމްޒީ ހެއްކެކެވެ.

✨Doha Marathon Lucky Draw Winners! ✨

Congratulations to Samad Afeef Abdul and Mohamed Ahmed, the lucky winners to participate in Doha Marathon by Ooredoo 2024. 🎉

Samad and Mohamed will be representing Maldives at the biggest Marathon in the Middle East. All the best. 🏃‍♂️🌟 pic.twitter.com/hgY2QYrE8z

— Ooredoo Maldives (@OoredooMaldives) February 12, 2024

އަފީފް އަބްދުލް ސަމަދާއި މުހައްމަދު އަހްމަދު ނަސީބުވެރިންގެ ގޮތުގައި ހޮވާފައިވަނީ ޝަރުތު ހަމަވާ ފަރާތްތަކުގެ ޕޫލްގެ ތެރެއިން ކަމަށް ވެސް އުރީދޫއިން ބުންޏެވެ.

އެ ޝަރުތުތަކުގެ ތެރޭގައި، ވޭތުވެދިޔަ އަހަރެއްހާ ދުވަހު އުރީދޫގެ އެކްޓިވް ކަސްޓަމަރެއްގެ ގޮތުގައި ހުރުމާއި، ހާފް މެރެތަން ނުވަތަ ފުލް މެރެތަން ފުރިހަމަކޮށްފައި ވުމާއި، ދަތުރުކުރުމަށް ސައްހަ ދިވެހި ޕާސްޕޯޓެއް އޮތުން ހިމެނެއެވެ.