ކުޅުދުއްފުށީ ޕީޕީއެމް ދެކުނު ދާއިރާގެ ރައީސް އަދުރޭ، އަލީ ވަހީދު އެންޑޯޒްކޮށްފި

ކުޅުދުއްފުށީ ދެކުނު ދާއިރާގެ ޕީޕީއެމް ރައީސް އަބުދުލް ރަހުމާނު އިސްމާއިލް (އަދުރޭ) އެމްޑީޕީގެ ދެކުނު ދާއިރާގެ ކެންޑިޑޭ އަލީ ވަހީދަށް ތާއީދުކުރުމަށް ނިންމައިފި އެވެ.

އަލީ ވަހީދަށް ތާއީދުކުރާކަން އަދުރޭ ހާމަކުރެެއްވީ މިހާރު ބަންޑާރަ މައިދާނުގައި ކުރިއަށްދާ 'ވަޠަނީ ބާރާއި ހައްގުވި މިންވަރު' ކެމްޕެއިން ޖަލްސާގަ އެވެ.

އަދުރޭއަކީ ރައީސުލްޖުމްހުރިއްޔާ ޑރ. މުހައްމަދު މުއިއްޒު ވެރިކަމަށް ގެނައުމަށްޓަކާ ބުރަކޮށް މަސައްކަތް ކުރެއްވި ބޭފުޅެކެވެ.

އަދުރޭ މިރޭ ވާހަކަދައްކަވަމުން ވިދާޅުވީ އަލީ ވަހީދާއި ޔާސިރަކީ އިލްމީ ގާބިލް އަދި މަޖިލީހުގައި ރައްޔިތުންގެ އަޑު އުފުލޭނެކަން އަމަލީގޮތުން ދައްކަމުންދާ ބޭފުޅުން ކަމަށެވެ.