ފަރޭގެ ކާމިޔާބީ ފާހަގަކުރަން ކުޅުދުއްފުށީގައި ހަވާ އަރުވަނީ

20 ވަނަ ރައްޔިތުންގެ މަޖިލީހަށް އިންތިހާބުވި ކުޅުދުއްފުށީ ދެކުނު ދާއިރާގެ ކެންޑިޑޭޓް ފަރުހަތު މުހައްމަދު (ފަރޭ) ގެ ކާމިޔާބީ ފާހަގަކުރުމުގެ ގޮތުން ކުޅުދުއްފުށީގައި އަވާ އަރުވަން ހަމަޖެހިއްޖެ އެވެ.

ޕީއެންސީގެ ކެންޑިޑޭޓް ފަރޭ ދެކުނު ދާއިރާގެ ގޮނޑި ކާމިޔާބުކުރެއްވީ ކުރީގެ ޓުއަރިޒް މިނިސްޓަރު އަލީ ވަހީދުއާ ވާދަކުރައްވައި ހަނި ތަފާތަކުންނެވެ. ފަރޭއަށް ލިބިލެއްވީ 1228 ވޯޓެވެ. އަލީ ވަހީދަށް ލިބިލެއްވީ 1136 ވޯޓެވެ.

ފަރޭއަށް ލިބުނު މި ކާމިޔާބީއާ ގުޅިގެން އަންނަ ހުކުރުދުވަހު 21:00 ގައި ކުޅުދުއްފުށީ ރަށްމަތިފަންނު ސަރަހައްދުގައި ހަވާ އަރުވާނެ އެވެ. އަދި ހަމަ އެދުވަހު ހަވީރު 16:00 ގައި ސައިކަލް ބުރެއްވެސް ބޭއްވުމަށް ވަނީ ހަމަޖެހިފަ އެވެ.