ކުޅުދުއްފުށީ ރީޖަނަލް ހޮސްޕިޓަލަށް ގެންދިޔަ ތުއްތު ކުއްޖަކަށް ފަރުވާދިނުމުގައި އެ ކުއްޖާ ބެލި ޑޮކްޓަރުންނާއި ނަރުހުންގެ އިހުމާލު އޮތްތޯ ބަލަން ފަށައިފި އެވެ.
އެ ހޮސްޕިޓަލަށް ގެންދިޔަ 8 މަހުގެ ތުއްތު ކުއްޖަކަށް ފަރުވާ ދިނުމުގައި ހޮސްޕިޓަލުގެ އިހުމާލު އޮތްކަމަށް ތުހުމަތުކޮށް އާއިލާގެ މީހަކު ސޯޝަލް މީޑިއާގައި ޕޯސްޓްކޮށްފަ އެވެ.
އެ ޕޯސްޓުގައި ބުނެފައިވަނީ ކޭއާރުއެޗަށް އެ ކުއްޖާ ގެންދިޔައީ މި މަހުގެ 12 ވަނަ ދުވަހުން ފެށިގެން ހުން އަންނަމުން ދާތީ ކަމަށާއި ކުއްޖާ ހޮސްޕިޓަލްގެ ޑޮކްޓަރަށް ފަސް ފަހަރު ދެއްކި ކަމަށެވެ.
އެކަމަކު އެ އިން ކޮންމެ ފަހަރަކު ވެސް އާދައިގެ ކަމެއް ކަމަށް ނިންމައި ގެއަށް ފޮވާލަނީ ކަމަށް އެ ޕޯސްޓުގައި ވެ އެވެ. އާދޭސްކޮށްގެން ޓެސްޓް ހެދިއިރު ކުއްޖާގެ ޑެންގޫއަށް ޕޮޒިޓިވްވެ ހާލު ސީރިއަސްވެފައިވާ ކަމަށެވެ.
"ހުމުގެ ސަބަބުންނާއި އިންފެކްޝަންގެ ސަބަބުން ޑީހައިޑްރޭޓް ވެގެންނާއި އެކި އެހެން މައްސަލަތައް ދިމާވެ ހާލު ސީރިއަސް ވެފައިވާކަން،" ކުއްޖާގެ އާއިލާގެ ޕޯސްޓުގައިވެ އެވެ.
ކޭއާރުއެޗުގެ މީޑިއާ އޮފިސަރު މުހައްމަދު މޫސާ ވިދާޅުވީ، އެ މައްސަލައިގައި ހޮސްޕިޓަލުން ފަރުވާދިނުމުގައި އިހުމާލެއްވޭތޯ ބަލަން ފަށާފައިވާ ކަމަށެވެ. މައްސަލަ ބަލަނީ މިނިސްޓްރީއާ ގުޅިގެންނެވެ.
ކުއްޖާއަށް މިހާރު ފަރުވާދެމުންއަންނަނީ އައިޖީއެމްއެޗްގެ އައިސީޔޫގަ އެވެ.
އުރީދޫ ސުޕަނެޓުން އަންލިމިޓަޑްކޮށް އިންޓަނެޓުގެ ހިދުމަތް ދެނީ
ރީހެބިލިޓޭޝަން ފުރިހަމަކުރާ ގައިދީންގެ ހުކުމަށް ލުއި ދޭން ނިންމައިފި
ވިލާ ކޮލެޖުގެ 2025 ވަނަ އަހަރުގެ ޖެނުއަރީ އިންޓޭކްގެ ކޯސްތަކުގައި ބައިވެރިވުމަށް ހުޅުވާލައިފި
އޭޖީ، ސިވިލް ސާވިސް އިން ވަކިކޮށް، ވަކި ހިދުމަތެއްގެ ގޮތުގައި ހަދަނީ
