އީދު ބަންދާ ދިމާކޮށް މޯލްޑިވިއަންގެ ދަތުރުތައް އިތުރުކޮށްފި

އަލްހާ އީދު ބަންދާ ދިމާކޮށް މޯލްޑިވިއަންއިން އެތެރޭގެ އުދުހުންތަކުގެ އިތުރު ފްލައިޓްތަކެއް ޝެޑިއުލްކޮށްފިއެވެ.

އީދު ބަންދަކީ ގިނަ ބަޔަކު ޗުއްޓީއަށް އެކި މަންޒިލްތަކަށް ދަތުރުކުރާ ދުވަސްވަރަކަށް ވުމުން ފުލައިޓް ޓިކެޓްވެސް ވަރަށް ބާރުބޮޑު ދުވަސްކޮޅެކެވެ. އެހެންކަމުން މޯލްޑިވިއަންއިން އިތުރު ފްލައިޓްތަކެއް ވަނީ ޝެޑިއުލްކޮށްފައެވެ. އެގޮތުން އެތެރޭގެ އުދުހުން ތަކުން އެތެރޭގެ 16 މަންޒިލަށް ފްލައިޓްތައް އިތުރު ކޮށްފައިވެއެވެ.

މޯލްޑިވިއަންއިން ބުނީ، ކަސްޓަމަރުންނަށް ޗުއްޓީގައި ދަތުރު ފަތުރު ކުރުމަށް ފަސޭހަ ކޮށްދިނުމުގެ ގޮތުން ފްލައިޓްތައް އިތުރަށް ޝެޑިއުލް ކުރަން މިހާރު ވަނީ ނިންމަވާފައި ކަމަށެވެ.

އެގޮތުން ފްލައިޓްތަކުގެ ބުކިން ހެއްދުން މިހާރު ކުރިއަށް ގެންދެވޭނެ ކަމަށްވެސް މޯލްޑިވިއަންއިން ވަނީ ބުނެފައެވެ.

ސްކޫލު ޗުއްޓީއާއި އީދު ބަންދުފަދަ ދުވަސްވަރަކީ ގިނަބަޔަކު އެކި މަންޒިލްތަކަށް ދަތުރުކުރަމުން އަންނަ ދުވަސްވަރެކެވެ. އެހެންކަމުން މިފަދަ ކޮންމެ ދުވަސްވަރެއްގައިވެސް މޯލްޑިވިއަނުން އަންނަނީ ފްލައިޓްތަށް އިތުރު ކުރަމުންނެވެ.