އާސަންދަ ރިކޮމެންޑޭޝަން ފޯމު ދެން ބަލައިގަންނާނީ ހަމަ އެކަނި އޮންލައިންކޮށް

އާސަންދަ ސްކީމްގެ ދަށުން ރާއްޖޭން ބޭރަށް ބޭސްފަރުވާ ހޯދަން ދިއުމަށް މެނުއަލް (އަތުން ލިޔެފައިވާ) ރިކޮމެންޑޭޝަން ފޯމްތައް ބަލައިގަތުން ހުއްޓާލާފައިވާކަމަށް އާސަންދަ ކޮމްޕެނީން ބުނެފި އެވެ.

އާސަންދައިން ކުރި އިއުލާނެއްގައިބުނީ އާސަންދަ ސްކީމްގެ ދަށުން ރާއްޖޭން ބޭރުން ފަރުވާ ހޯދަން ދިއުމަށް ޑޮކްޓަރުން ފުރާ އާސަންދަ ރިކޮމެންޑޭޝަން ފޯމް މި މަހު 1 ވަނަ ދުވަހުން ފެށިގެން ބަލައިގަންނާނީ ހަމައެކަނި "މައި އާސަންދަ" ޕޯޓަލް މެދުވެރިކޮށް ކަމުގަ އެވެ.

އާސަންދަ ރިކޮމެންޑޭޝަން ފޯމު، 2024 ޖޫން 1 ވަނަ ދުވަހުން ފެށިގެން ބަލައިގަންނަނީ ހަމައެކަނި މައި އާސަންދަ ޕޯޓަލް މެދުވެރިކޮށް ކަމުގައި ދެންނެވިން.

މައި އާސަންދަ ޕޯޓަލް ލިންކް: https://t.co/M4LsZwxIDS pic.twitter.com/xR1hXUYo9W

— Aasandha Company Ltd (@AasandhaLtd) June 5, 2024

ފޯމާއެކު ހުށަހަޅަންޖެހޭ ލިޔެކިއުންތަށްވެސް މި ޕޯޓަލް މެދުވެރިކޮށް ހުށަހެޅޭނެ ކަމަށް އެ ކުންފުނިން ބުނެ އެވެ.

"އެހެން ކަމުން މެނުއަލް (އަތުން ލިޔެފައިވާ) ރިކޮމެންޑޭޝަން ފޯމް މިހާރު ބަލައިނުގަނެވޭނެ" އިއުލާނުގައިވެ އެވެ.

އާސަންދަ ސްކީމްގެ ދަށުން މި އަހަރުގެ ފުރަތަމަ ކުއާޓަރގައި ރާއްޖޭން ބޭރުން 1691 މީހުން ފޮނުވާފައިވާކަމަށް އާސަންދަ ތަފާސް ހިސާބުތަކުން ދައްކަ އެވެ.