ކުޅުދުއްފުށީ ގެއަކުން ވަގަށް ނެގި ތަކެތި ހޯދައި ތުހުމަތުގައި މީހަކު ހައްޔަރުކޮށްފި

ކުޅުދުއްފުށީ ގެއަކުން ވަގަށް ނެގި ތަކެތި ހޯދައި ތަކެތި ވަގަށް ނެގިކަމުގެ ތުހުމަތުގައި މީހަކު ހައްޔަރުކޮށްފި އެވެ.

ރޯޒީނާޒް-2 ނަމަކަށް ކިޔާގެއިން މިމަހުގެ 13 ވަނަ ދުވަހު ފައިސާ އާއި އިލެކްޓޯނިކް ސާމާނުތަކެއް ވަގަށް ނެގި މައްސަލާގައި ހައްޔަރުކޮށްފައިވަނީ 30 އަހަރުގެ ދިވެހި ފިރިހެނެކެވެ.

މި މައްސަލާގައި ގެއްލުނު ލެޕްޓޮޕާއި ޓެބްލެޓް ފުލުހުން ހޯދައި މިހާރު ވަނީ ވެރި ފަރާތާ ހަވާލުކޮށްފަ އެވެ. އެ ގެޔަކީ ބިދޭސީ ބަޔަކު ދިރިއުޅޭ ގެޔެކެވެ.