ކުޅުދުއްފުށީގައި ބާއްވާ ވެމްކޯގެ އާއިލީ ހަވީރު މާދަމާ

ވެމްކޯގެ 'ފައްޓަމާ' އާއިލީ ހަވީރު މާދަމާ ހަވީރު 16:15 ގައި ކުޅުދުއްފުށީ ރަށްމަތިފަންނުގައި އޮންނާނެކަމަށް ވެމްކޯ އިން ބުނެފި އެވެ.

މި އާއިލީ ހަވީރަކީ މަޖާ މާހައުލެއްގެ ތެރެއިން ވެމްކޯއާއި ރައްޔިތުންނާއި އޮންނަ ގުޅުން ބަދަހި ކުރުމަށްޓަކާ ވެމްކޯގެ ހިދުމަތްތަށް އަލަށް ފަށަމުން އަންނަ ރަށްތަކުގައި ވެމްކޯއިން ބާއްވަމުން އަންނަ އާއިލީ ހަވީރެކެވެ.

މީގެ ކުރިންވެސް ވެމްކޯއިން ވާނީ މި ހަވީރު ކާމިޔާބުކަމާއެކު ތިނަދޫ ސިޓީ އަދި ކ މާފުށީގައި ބާއްވާފައިވެއެވެ.

11 ޖޫން އިން ފެށިގެން، ވެމްކޯއިން ދަނީ ކުޅުދުއްފުށީގައި ރަޖިސްޓްރީކުރެވިފައިވާ ގޭބިސީތަކުންދަނީ ދުވާލުކުނީގެ ގޮތުގައި އުފެދޭ ކުނި ނަގާ ހިދުމަތް ފޯރުކޮށްދެމުންނެވެ.