ސާފުތާހިރުކަން ކުޑަވެ "ކޭސީ ކޮފީކޯނަރ" ބަންދުކޮށްފި

ސާފުތާހިރުކަން ކުޑަވެ ކާބޯތަކެތީގެ ހިދުމަތް ދެމުންދާ "ކޭސީ ކޮފީކޯނަރ" ކުޅުދުއްފުށީ ރީޖަނަލް ހޮސްޕިޓަލުން (ކޭއާރުއެޗް) ބަންދުކޮށްފި އެވެ.

ކޭއާރުއެޗުން ބުނީ، 'ކޭސީ ކޮފީކޯނަރ' ބަންދުކުރީ ކާބޯތަކެތީގެ ޒަރީއައިން ކުރިމަތިވެދާނެ ސިއްހީ ނުރައްކަލަކުން ހިދުމަތް ލިބިގަން ފަރާތްތައް ރައްކާތެރިކުރުމަށްޓަކާ "ކާބޯތަކެތީގެ ހިދުމަތް ދިނުމުގައި ހުންނަން ޖެހޭ ސާފުތާހިރުކަމުގެ މިންގަނޑުތައް ބަޔާންކުރާ ގަވައިދުގެ ދަށުން ކަމަށެވެ.

ކުޅުދުއްފުށީގައި ކެފޭ/ރެސްޓޯރެންޓްގެ ހިދުމަތްދެމުން އަންނަ މިތަނުގެ ސާފުތާހިރުކަން ކުޑަވެ ބަންދުކުރިއިރު މިދުވަސްވަރަކީ މާލޭގައި ހިންގާ ކެފޭ/ރެސްޓޯރެންޓްތަކުގެ ސާފުތާހިރުކަން ކުޑަވެ ކަމާ ގުޅުން ހުރި ފަރާތްތަކުން ފިޔަވަޅު އަޅަމުން އަންނަ ދުވަސްވަރެއްކަން ފާހަގަކުރެވެ އެވެ.