ރައީސް މަސައްކަތް ކުރައްވަނީ ދިވެހިންގެ އަސްކަރީ ބާރު އަލުން ގާއިމްކުރަން: ޣައްސާން

ރައީސް ޑރ. މުހައްމަދު މުއިއްޒު މަސައްކަތް ކުރައްވަނީ ދިވެހި އަސްކަރިއްޔާގެ އާރާއި ބާރު އަލުން ގާއިމް ކޮށްދެއްވުމަށް ކަމަށް ޑިފެންސް މިނިސްޓަރ މުހައްމަދު ޣައްސާން މައުމޫން ވިދާޅުވެއްޖެއެވެ.

ގައުމީ ދުވަހާއި ގުޅުވައިގެން ދެއްވި ވީޑިއޯ މެސެޖްގައި ޣައްސާން ވިދާޅުވީ، މި ދުވަހަކީ ދުނިޔޭގެ ޗާޓުގައި ދިވެހިންގެ ހިތްވަރާއި ފަންވަރު އަދި އަސްކަރީ ގޮތުން މީސްކޮޅު މަދަަސް ކުޅަދާނެ ބައެއްކަން ގާއިމް ކުރެވުނު ދުވަސް ކަމަށެވެ.

"ޕޯޗުގީޒުންގެ އިސްތިއުމާރުން އަޅުގަނޑުމެންގެ މި ލޮބުވެތި ގައުމު، ސަލަމަތްކޮށްދެއްވި ދުވަސް،".

އަދި ރައީސް ޑރ. މުއިއްޒު މަސައްކަތް ކުރައްވަނީ މި ފަހުރު ރާއްޖެ އަލުން ގެނެސްދެއްވުމަށް ކަމަށާއި، ދިވެހި އަސްކަރިއްޔާގެ އާރާއި ބާރު އަލުން ގާއިމް ކޮށްދެއްވުމަށް ކަމަށް ޣައްސާން ވިދާޅުވިއެވެ.

" ރައީސް މަސައްކަތް ކުރައްވަނީ ދިވެހީންނަކީ ދުނިޔޭގައި ވެސް ވިދާލާ ބައެއްކަމުގައި މުޅި ދުނިޔެއަށް ވެސް ދައްކަވައިދެއްވާ ރައްޔިތުންނަށް އިތުރު އުފާ ފާގަތިކަން ގެނެސްދެއްވަން." ޣައްސާން ވިދާޅުވިއެވެ.