ތިލައުތުރު ރަންތާޖު ޤުރުއާން މުބާރާތުން އެއްވަނަ ނަސްރަތު، އެންމެ މޮޅު ރަށަކަށް ދިއްދޫ

ހއ އަތޮޅު ކައުންސިލުން އިންތިޒާމް ކޮށްގެން ކުރިއަށް ގެންދިޔަ ތިލައުތުރު ރަންތާޖު ޤުރުއާން މުބާރާތުން އެއްވަނަ އިހަވަންދޫ އާމިނަތު ނަސްރަތު ހޯދައިފިއެވެ. އަދި އެންމެ މޮޅު ރަށަކަށް ދިއްދޫ ވަނީ ހޮވިފަ އެވެ.

ހއ އަތޮޅުގެ 13 ރަށަކުން 134 ދަރިވަރުން ބައިވެރިވި މިމުބާރާތް ކުރިޔަށް ގެންގޮސްފައިވަނީ އެ އަތޮޅު އުތީމްގައެވެ. މިމުބާރާތުގެ ކިޔެވުން ކުރިޔަށް ދިޔައީ މިމަހުގެ 24 އިން 25 އަށެވެ.

މިމުބާރާތުގެ އިނާމުދިނުމުގެ ރަސްމިއްޔާތު އޮތީ އިއްޔެ ހެނދުނުއެވެ. އިނާމުދިނުމުގެ ރަސްމިއްޔާތު ޝަރަފްވެރިކޮށްދެއްވީ ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާއި ބެހޭ މިނިސްޓަރު އާދަމް ޝަރީފް އުމަރެވެ.

މުބާރާތުން ވަނަތަކަށް ދިޔަ ފަރާތްތައް:

މުބާރާތުން ވަނަތަކަށް ދިޔަ ރަށްތައް:

އެހެނިހެން ވަނަތައް:

ނުބަލާ ކިޔެވުމުގެ ގޮފިން 1 ވަނަ ރަށް ދިއްދޫ
ނުބަލާ ކިޔެވުމުގެ ގޮފިން 2 ވަނަ ރަށް ކެލާ
ނުބަލާ ކިޔެވުމުގެ ގޮފިން 3 ވަނަ ރަށް އިހަވަންދޫ

ބަލައިގެން ކިޔެވުމުގެ ގޮފިން 1 ވަނަ ރަށް އިހަވަންދޫ
ބަލައިގެން ކިޔެވުމުގެ ގޮފިން 2 ވަނަ ރަށް ދިއްދޫ
ބަލައިގެން ކިޔެވުމުގެ ގޮފިން 3 ވަނަ ރަށް ހޯރަފުށި

މި މުބާރާތަކީ ކީރިތި ޤުރްއާން ކިޔެވުމުގެ 37 ވަނަ ގައުމީ މުބާރާތަށް ހއ.އަތޮޅު ކައުންސިލް ތަމްސީލްކުރާނެ ބައިވެރިން ހޮވުމުގެ ބޭނުމުގައި އެ އަތޮޅުގެ ހުރިހާ ރަށަކަށް އަމާޒު ކުރެވިގެން އަތޮޅު ކައުންސިލުން ކޮންމެ އަހަރަކު ބާއްވަމުން އަންނަ މުބާރާތެކެވެ.