twitterviber whatsapp telegramfacebookyoutube instagram
3rd April 2025

އެންސްޕާއަށް ކުރާ ތުހުމަތު އޭސީސީއިން ބަލަން ފަށައިފި

Dec 1, 2024

ނޭޝަނަލް ސޯޝަލް ޕްރޮޓެކްޝަން އޭޖެންސީ (އެންސްޕާ) ހިންގަން އިމާރާތެއް ކުއްޔަށް ހިފި ގޮތާ ގުޅިގެން ސުވާލުތަކެއް އުފެދުމުން، އެ މައްސަލަ އެންޓި ކޮރަޕްޝަން ކޮމިޝަން (އޭސީސީ) އިން ބަލަން ފަށައިފި އެވެ.

ސޯޝަލް މީޑިއާގައި އަންނަނީ އެންސްޕާ ހިންގާ އިމާރާތް ކުއްޔަށް ހޯދުމުގައި ކުރެވުނު މުއާމަލާތާ ގުޅުވާ ތުހުމަތުތައް ކުރެވެމުންނެވެ. ތުހުމަތު ކުރެވެނީ ވަރަށް ފަހުން ފެށި ރައީސް ޑރ. މުހައްމަދު މުއިއްޒުގެ މަސްލަހަތު އޮތް އެމްއެމްޓީވީ ކުއްޔަށް ނަގާފައިވާ އޮފީސް އިމާރާތެއް އެންސްޕާއަށް ކުއްޔަށް ދީފައި ކަމަށެވެ. އެގޮތުން އެންސްޕާ ހިންގާ އޮފީސް އިމާރާތެއް ހޯދަން 34.8 މިލިއަން ރުފިޔާގެ މުއާމަލާތެއް ގޭގެ ވެރިފަރާތް ނޫން އެހެން ފަރާތަކާ ކުރިކަމަށް ބުނެ ތުހުމަތުތަކެއް ސޯޝަލް މީޑިއާގައި އަންނަނީ ކުރަމުންނެވެ.

އެ ތުހުމަތުތަކަށް ރައްދުދީ އެންސްޕާއިން ހުކުރު ދުވަހުގެ ރޭ ނެރުނު ބަޔާނުގައި ބުނީ އެ އެޖެންސީ ހިންގަން އިމާރާތް ހޯދަން ކުރި މުއާމަލާތަކީ މާލީ ވުޒާރާއާއި އެ އެޖެންސީއާ ދެމެދު ގަވައިދާއެއްގޮތަށް ހިންގި މުއާމަލާތެއް ކަމަށެެވެ. އެ ކަމުގައި އިތުރު އެހެން ފަރާތެއް ބައިވެރިނުވާ ކަމަށް ވެސް ބުނެފައިވެއެވެ.

އެ ގޮތުން އޮފީސް ހިންގަން އިމާރާތެއް ހޯދަން ކުރި މުއާމަލާތްތަކާ ގުޅޭގޮތުން ތުހުމަތު ކުރެވޭ މައްސަލަ ބަލައިދިނުމަށް އެންސްޕާއިން ވަނީ އޭސީސީގައި އެދިފައެވެ.

ހީނާ ސޮއިކުރައްވައި އޭސީސީގެ ރައީސް އާދަމް ޝާމިލަށް ފޮނުއްވި ސިޓީގައި ވަނީ އެ ތުހުމަތުތައް ތަހުގީގުކޮށް ވީ އެންމެ އަވަހަކަށް އެ ކަމާ ގުޅޭ ރިޕޯޓު ހިއްސާކޮށްދިނުމަށް އެދިވަޑައިގެންފައެވެ.

Kulhudhuffushi Online
Hikifinifenmaage
Maalihaa Magu
H.Dh. Kulhudhuffushi
Tel: 6528355, 7978355