އީސީގެ މެންބަރު ކަމަަށް ހަސީބް އައްޔަން ކުރައްވައިފި

އިލެކްޝަންސް ކޮމިޝަން (އީސީ)ގެ މެންބަރުކަމަށް އަބްދުލްހަސީބު އިސްމާއީލް މިއަދު އައްޔަނު ކުރައްވައިފިއެވެ.

އީސީގެ މެމްބަރު ކަމަށް އިސްލާމިކް މިނިސްޓްރީގެ ކުރީގެ ޕާމަނަންޓް ސެކްރެޓަރީ ހަސީބް އައްޔަން ކުރުމަށް ރައްޔިތުންގެ މަޖިލީހުން ރުހުން ދިނީ ނޮވެމްބަރު ފަސް ވަނަ ދުވަހެެވެ.

ހަސީބް އެ މަގާމަށް އައްޔަން ކުރުމަށް މަޖިލީހުގެ ރުހުން ހޯދުމަށް ރައީސް ޑރ. މުހައްމަދު މުއިއްޒު ސިޓީފުޅެއް ފޮނުއްވެވީ އޮކްޓޯބަރު މަހުގެ 18 ގައެވެ.

ހަސީބް މި މަގާމަަށް އައްޔަން ކުރެއްވީ އެ ކޮމިޝަންގެ ރައީސްގެ މަގާމުގައި މިހާރު ހުންނެވި ފުއާދު ތައުފީގުގެ ދައުރު ހަމަވުމުންނެވެ.

ހަސީބް އިސްލާމިކް މިނިސްޓްރީގެ ޕީއެސްކަމުގެ މަގާމަށް އައްޔަންކުރެއްވީ ކުރީގެ ރައީސް އިބްރާހިމް މުހައްމަދު ސޯލިހްގެ ސަރުކާރުގައި 2019 ވަނަ އަހަރުގައެވެ.