ލަންކާ ކައިރީ ކޮޅިގަނޑެއް، ކުރިއަށް އޮތް ފަސް ދުވަހު ރާއްޖޭގެ މޫސުން ގޯސް

ސްރީލަންކާގެ އިރުދެކުނުގައި އުފެދިފައިވާ ކޮޅިގަނޑެއްގެ ސަބަބުން ކުރިއަށް އޮތް ފަސް ދުވަހު ރާއްޖޭގެ މޫސުން ވަރަށް ގޯސް ކަމަށް ރާއްޖޭގެ މޫސުމާއި ބެހޭ ގައުމީ އިދާރާ (މެޓް) އިން ބުނެފި އެވެ.

އެ އިދާރާއިން އާންމުން ސަމާލުވުމަށް ކުރެއްވި އިލްތިމާސްގައި ބުނީ، ޖެނުއަރީ ފުރަތަމަ ދުވަހުން ފެށިގެން ފަސްވަނަ ދުވަހުގެ ނިޔަލަށް ރާއްޖޭގެ ބޮޑު ބަޔަކަށް ގުގުރުމާއެކު ބޯކޮށް ވާރޭވެހި ވަޔާއި ކަނޑުތައް ގަދަވާނެކަމަށް އެއިދާރާއިން ވަނީ ބުނެފައެވެ. އަދި ބައެއް އަތޮޅުތަކަށް އުދަ އެރުމުގެ ފުރުސަތުވެސް އެބައޮޮތްކަމަށް މޫސުމާބެހޭ ޤައުމީ އިދާރާއިން ވަނީ ލަފާކޮށްފަ އެވެ.

⚠️Weather Conditions Expected to Deteriorate During New Year Holiday in the Maldives. Attached is the MMS WRF Model run on 30 Dec at 1700 hrs, indicating heavy rain and strong winds across the Maldives. Stay informed. pic.twitter.com/bZBoL4TCPq

— Maldives Meteorology (@MetMaldives) December 31, 2024

މެޓް އިން ލަފާ ކޮށްފައިވާގޮތުގައި ވައިޖެހޭނީ އުތުރާއި މެދުރާއްޖެތެރޭގެ އަތޮޅުތަކަށް، އުތުރާއި އިރު އުުތުރުން، ދެކުނުގެ އަތޮޅުތަކަށް ހުޅަނގާއި ހުޅަނގުއުތުރުން، ގަޑިއަކު 15 މޭލާއި 25 މޭލާއި ދެމެދުގެ ބާރުމިނުގައެވެ. ވިލާގަނޑުގައި ގަޑިއަކު ގާތްގަނޑަކަށް 50 މޭލަށް ވައިގަދަވާނެ ކަމަށް ބެލެވޭ ކަމަށް މެޓް އިން ވިދާޅުވެފައި ވެއެވެ.

އެހެންކަމުން ކަނޑުތައް އާންމު ގޮތެއްގައި ގަދަވާނެ ކަަމަށް ލަފާ ކުރެވޭ ކަމަށްވެސް މެޓް އިން ވިދާޅުވެފައި ވެއެވެ.

⚠️Weather Conditions Expected to Deteriorate During New Year Holiday in the Maldives. pic.twitter.com/Cj6T0G3ymp

— Maldives Meteorology (@MetMaldives) December 31, 2024

"ވީމާ ހުރިހާ ފަރާތްތަކުން، ހާއްސަކޮށް ކަނޑުދަތުރުކުރައްވާ ފަރާތްތަކުން، މި ސާވިސްއިން ނެރެމުންދާ އެންމެ ފަހުގެ މޫސުމާއި ނިމުތުތަކާއި ސަމާލުތަކަށް އިސްކަންދެއްވުމަށް އިލްތިމާސް ކުރަމެެވެ،". މެޓް އިން މިއަދު ހެނދުނު ނެރުނު މޫސުމާއި ބެހޭ ހަބަރުގައި ވިދާޅުވެފައި ވެއެވެ.