ބާރު ސްޕީޑްގައި ދުއްވާފައި ދިޔަ ސައިކަލެއް ކަހާލައިގެން ވެއްޓި އެކްސިޑެންޓެއް ހިނގައިފި
ކުޅުދުއްފުށީގައި ބާރު ސްޕީޑްގައި ދުއްވާފައި ދިޔަ ސައިކަލެއް ކަހާލައިގެން ވެއްޓި، ޕާރކްކޮށްފައި ހުރި ސައިކަލެއްގައި ޖެހި އެކްސިޑެންޓްވެއްޖެ އެވެ.
މި ހާދިސާ ހިނގާފައިވަނީ މިއަދު މެންދުރު އުދަރެސް މަގުން ހުޅަނގުން އިރަށް ބާރު ސްޕީޑްގައި ދުއްވި ސައިކަލެއްގެ ކަހާލައިގެންނެވެ.
ފުލުހުން ބުނީ، ބާރު ސްޕީޑްގައި ދުއްވި ސައިކަލެއް ކޮންޓްރޯލްނުވެ، ވެއްޓި ކަހާލައިގެން ގޮސް މަގުގެ އެއްފަރާތުގައި ޕާރކްކޮށްފައި ހުރި ސައިކަލެއްގައި ޖެހި ހިނގި އެކްސިޑެންޓް ފުލުހުންގެ ސަމާލުކަމަށް އައިސްފައިވާ ކަމަށެވެ.
އެކްސިޑެންޓްވި ސައިކަލް ދުއްވާފައިވަނީ އެ ކެޓަގަރީގެ ލައިސަންސް އޮތް 20 އަހަރުގެ ދިވެހި ފިރިހެނެއް ކަމަށެވެ. ފުލުހުން ބުނީ މިމައްސަލަ އެފަރާތުން ބަލަމުންދާ ކަމަށެވެ.
މި އެކްސިޑެންޓްގައި ސައިކަލް ދުއްވި މީހާގެ އެކި ތަންތަން މަށައިގެންގޮސްފައިވާއިރު ސީރިއަސް އަނިޔާއެއްވެފައެއްނުވެ އެވެ.
ބާރު ސްޕީޑްގައި ދުއްވާފައި ދިޔަ ސައިކަލެއް ކަހާލައިގެން ވެއްޓި އެކްސިޑެންޓެއް ހިނގައިފި
އީދު ބަންދާ ދިމާކޮށް މަންޓާ އެއާގެ ދަތުރުތަކެއް ކުޅުދުއްފުއްޓަށް
ތިލަދުންމަތީ ފެތުމުގެ މުބާރާތުގެ މެޑަލް ދިނުން 1
'ނަމޫނާ ޗޭންޖްމޭކަރ ވޯކްޝޮޕް' ނިންމާލުން
