ކުޅުދުއްފުށީގައި އުޅޭ ޒުވާން ޚަޠީބުންނާ އިސްލާމިކް މިނިސްޓަރު ބައްދަލުކުރައްވައިފި
ކުޅުދުއްފުށީގައި އުޅޭ ޒުވާން ބައެއް ޚަޠީބުންނާ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ބައްދަލުކުރައްވައިފި އެވެ.
މިނިސްޓަރު ޝަހީމް ފޭސްބުކްގައި ކުރެއްވި ޕޯސްޓެއްގައި ވިދާޅުވީ އިއްޔެ ކުޅުދުއްފުށީ މަސްޖިދުލްޙަޟާރާއަށް ހުކުރު ނަމާދުގައި އިވުނު ހުތުބާ ކިއުމުގެ ފުރިހަމަކަމުން އެ ޒުވާން ޚަޠީބަށް ތައުރީފާއި ޝުކުރު ޙައްޤުކަމަށެވެ. އެ މިސްކިތުގައި ހުކުރުކުރެއްވީ މުހައްމަދު ނާފިޒް އަބުދުއްސައްތާރެވެ.
އެ ޚަޠީބަކީ ޒުވާން ޚަޠީބް ޕްރޮގްރާމްގެ ތެރެއިން ޚަޠީބުކަމުގެ ހުއްދަ ނަގާފައިވާ ޒުވާނެއް ކަމަށާއި ޚުޠުބާ ކިއުމުގެ ފުރިހަމަކަމާއި ނަމާދުގައި ޤުރްއާން ކިޔެވުމުގެ ރީތިކަމާއި ފުރިހަމަކަމުން ވަރަށް އުފާވި ކަމަށެވެ. "އުފާވިލެއް ބޮޑުކަމުން އެޒުވާން ޚަޠީބުންނަށް ހިތްވަރު ދިނުމުގެ ގޮތުން ބައްދަލުކުރަން އެދުމުން ޒުވާން ޚަޠީބުންނާ ބައްދަލުވި." މިނިސްޓަރު ވިދާޅުވި އެވެ.
ކުޅުދުއްފުށީގައި 11 ޒުވާން ޚަޠީބުން އުޅޭކަމަށާއި އޭގެ ތެރެއިން ގިނަ ކުދިންނާ ބައްދަލުވި ކަމުގައި މިނިސްޓަރު ފާހަގަކުރެއްވި އެވެ.
މި ބައްދަލުވުމުގައި ޒުވާން ޚަޠީބުންގެ ޝުޢޫރުތައް އަޑުއިވުމުން އިތުރަށް އުފާވިކަމަށް ފާހަގަކުރައްވާ އޭނާ ވިދާޅުވީ އިސްލާމްދީނުގެ ކަންކަމުގައި ޒުވާނުން އިސްނެގުމަކީ ޤައުމުގެ އިސްލާމީ މުސްތަޤުބަލަށްޓަކައި ވަރަށް މުހިންމުކަމެއްކަމުގަ އެވެ.
ކުޑަކުއްޖަކަށް ޖިންސީ ގޯނާކުރި މީހަކު ހޯދަން އިންޓަޕޯލް ރެޑް ނޯޓިސް ނެރެފި
އިހުތިރާމާއި އަމާންކަމަށް އެދި އިރާނުގެ ހާއްސަ މެސެޖެއް ދުނިޔެއަށް
ފާޑުކިޔުން އަމާޒުވުމުން ޓްރާންސްޕޯޓް ހިދުމަތް އަލުން ދޭން އަންގައިފި
މުދާ ހިފައިގެން ކުޅުދުއްފުށިން ފިލައްދޫއަށް ދަތުރުކުރި ދޯންޏެއް ބަންޑުން ޖަހާލައިފި
